Մասնակից:Ժպտուն/Սեւագրութիւն

Հալիտ Հիւսէյնի

Հալիտ Հիւսէյնի, ծնած է 4 Մարտ 1965 թուականին, Գապիլ, Աֆղանիստան։ Ծագումով Թաճիք վիպագիր եւ բժիշկ է։ Ան աւելի վերջ հաստատուած է Ամերիկայի Միացեալ Նահանգներ։ Առաջին վէպը՝ Թռուցիկի Որսորդը 2003 թուականին հրատարակուած եւ շատ մը երկիրներու մէջ ամենաշատ վաճառուած գիրքերու ցանկը մտած է։

• Կենսագրութիւն
• Գիրքերը
• Աղբիւրներ

Կենսագրութիւն

Հալիտ Հիւսէյնի Ալէվի դաւանանքի մաս կը կազմէ։ Հայրը Աֆղանիստանի Արտաքին Գործոց Նախարարութեան մէջ աշխատած եւ 1970 թուականին Աֆղանիստանի Դեսպանատան իր պաշտօնի բերմամբ իր ընտանիքին հետ Թեհրան, Պարսկաստան գաղթած է։ 1973 թուականին՝ Հալիտ Հիւսէյնիի եղբօր ծննդեան պատճառաւ Գապիլ վերադարձած է Հիւսէյնի ընտանիքը։ Ընտանիքի Աֆղանիստան վերադարձէն քանի մը ամիս ետք քառասուն տարուան Աֆղանիստանի առաջնորդ՝ Զահիր Շահ իր զարմիկ՝ Տավուտ Խանի կողմէ գահընկէց դարձած է։

1976 թուականին՝ Հալիտ Հիւսէյնիի հայրը Փարիզի մէջ գործ մը կը գտնէ եւ ընտանիքին հետ կը գաղթէ Փարիզ։ Այդ շրջանին Աֆղանիստան կը կառավարուէր համայնավար բռնակալութեամբ։ 1980 թուականին՝ Հիւսէյնի ընտանիքը իրենց ծննդավայր երկրին քաղաքական խառնակ պայմանները ցոյց տալով կ՛ապաստանին Սան Ժօսէ, Գալիֆորնիա, Ամերիկայի Միացեալ Նահանգներ։ Հալիտ Հիւսէյնի իր Թռուցիկի Որսորդը գիրքին մէջ կը յիշէ իր ընտանիքին կատարած այս գաղթի օրերը։

1988 թուականին՝ Հալիտ Հիւսէյնի Գալիֆորնիա Համալսարանի բժշկական բաժինը կ՛ընդունուի։ 1993 թուականին կը դառնայ վիրաբոյժ եւ իր ասպարէզը կը կատարէ մինչեւ 2004։ Ան աւելի վերջ օգնել սկսած է Ամերիկայի Միացեալ Նահանգներու գաղթականներուն։ Ան կ՛ապրի Հիւսիսային Գալիֆորնիայի մէջ եւ ամուսնացած է պարսիկ ծագումով ամերիկացի՝ Ռոյայի հետ։ Ամոլը ունի երկու զաւակներ։

Գիրքերը

• Թռուցիկի Որսորդը (2003)

• Հազար Հոյակապ Արեւ (2007)

• Եւ Լեռներ Արձագանգեցին (2013)

Աղբիւրներ

• Booklist, July, 2003, Kristine Huntley, review of The Kite Runner,p. 1984

• Kirkus Reviews, May 1, 2003, review of The Kite Runner, p. 630
• Library Journal, April 15, 2003, Rebbeca Stuhr, review of The Kite Runner, p. 122; November 15, 2003, Michael Adams, review of The Kite Runner,p. 114
• New York Times Book Review, August 3, 2003, Edward Hower, review of The Kite Runner, p. 4
• Publisher Weekly, May 12, 2003, review of The Kite Runner, p. 43
• School Library Journal, November, 2003, Penny Stevens, review of The Kite Runner, p. 171
• Times (London, England), August 30, 2003, review of The Kite Runner, p. 17