Ճարտարապետութեան եւ շինարարութեան Հայաստանի ազգային համալսարան

Ճարտարապետութեան եւ շինարարութեան Հայաստանի ազգային համալսարան
Կաղապար:Պատկերի ֆորմատավորում2
Միջազգային անուանում	National University of Architecture and Construction of Armenia
Հիմնադրուած է	1921
Երկիր	Հայաստան
Հասցէ	Տէրեան 105, Երեւան, Հայաստան
Կայք	nuaca.am

Ճարտարապետութեան եւ շինարարութեան Հայաստանի ազգային համալսարանը, բարձրագոյն ուսումնական հաստատութիւն է Երեւանի մէջ։ Հոկտեմբեր 1921-ին, Երեւանի նորաստեղծ համալսարանին մէջ սկսաւ գործել թեքնիքական ֆակուլտետը՝ Հայաստանի Հանրապետութեան մէջ ճարտարապետներու ու շինարարներու պատրաստման առաջին հաստատութիւնը՝ ինժեներաճարտարապետական եւ ինժեներահիտրոթեքնիքական մասնագիտութիւններով ու 38 ուսանողներով:

1989-ին, Հայկական ԽՍՀ մինիստրներու խորհուրդի որոշմամբ, Երեւանի փոլիթեքնիքական ինստիտուտի համապատասխան ֆակուլտետներու ու ամպիոններու հիման վրայ ստեղծուեցաւ Ճարտարապետաշինարարական ինստիտուտը: Ռեկտոր դարձաւ Արեստ Պեգլարեանը: Այլ խօսքով, համալսարանը ստեղծուեցաւ Երեւանի փոլիթեքնիկական ինստիտուտի ճարտարապետաշինարարական, ճարտարագիտաշինական եւ երթուղային ցանցի ֆակուլտետներու հիման վրայ։ Մինչեւ 2000 թուական հանդիսացաւ Երեւանի ճարտարապետաշինական ինստիտուտ, 2000-2014 թուականներուն՝ Երեւանի ճարտարապետութեան եւ շինարարութեան պետական համալսարան։

Պատմութիւն

23 Յունուար 2014-ին, ՀՀ Կառավարութեան որոշմամբ «Երեւանի ճարտարապետութեան եւ շինարարութեան պետական համալսարան»ը, որպէս պետական ոչ առեւտրային կազմակերպութիւն վերակազմաւորուած է «Ճարտարապետութեան եւ շինարարութեան Հայաստանի ազգային համալսարան» հիմնադրամի կողմէ։

Համալսարանը կը պարունակէ ճարտարապետութեան, արդիւնաբերական եւ քաղաքացիական շինարարութեան, շինարարութեան թեքնոլոճիայի, ջրաշինարարութեան եւ քաղաքային տնտեսութեան, երթուղիներու շինարարութեան ֆակուլտետներ, ասպիրանտուրա, ատենախօսութեան պաշտպանութեան երկու մասնագիտական խորհուրդներ, հեռակայ ուսուցման բաժին, գրադարան, հրատարակչութիւն։ Կը հրատարակէ «Ինժեներ» ամսաթերթը, 2006 թուականէն սկսեալ։ Ճարտարապետութեան ֆակուլտետին կից կը գործէ ճարտարապետական նախագծման աշխատասենեակ՝ մասնագիտական գրադարանով։ Համալսարանը կը համագործակցի արտերկրի շուրջ 138 գիտաճիւղական հաստատութիւններու հետ։ Անդամակցած է Եւրոպայի ճարտարապետական կրթութեան համալսարաններու, ԱՊՀ երկիրներու ճարտարապետական եւ շինարարական մասնագիտութիւններով համալսարաններու ընկերութիւններուն, նաեւ իտալական «Ռոմշուալ-տօ տել Պիանկօ Ֆոնտասիոն» կազմակերպութեան։ 2010-2011 ուսումնական տարեշրջանին ԵՃՇՊՀ-ի մէջ ուսանած է շուրջ 3,5 հազար ուսանող։ ԵՃՇՊՀ-ի ռեկտոր եղած է Արեստ Պեգլարեանը (1989-2006), 2006-2013 թթ. Յովհաննէս Թոքմաճեանը, 2014-ին հինգ տարի ռեկտոր եղած է Գագիկ Գալստեանը, ներկայիս՝ 2024-ին դոկտ. Մանուկ Գէորգ Բարսեղեան:

Պատկերասրահ

• 
  Երեւանի ճարտարագիտական եւ Երեւանի ճարտարապետութեան եւ շինարարութեան պետական համալսարանը
• 
  Երեւանի ճարտարապետութեան եւ շինարարութեան պետական համալսարանի առաջին մասնաշէնքը

Արտաքին յղումներ

• Ճարտարապետութեան եւ շինարարութեան Հայաստանի ազգային համալսարանի պաշտօնական կայքը