Ձիթենի (հանդէս)
Ձիթենի, մանկական բարոյազիտական-կրօնական պատկերազարդ կիրակնօրեայ հանդէս։ Լոյս տեսած է 1903-1904 թուականներուն, Ռուսչուկի մէջ, ապա՝ Սոֆիա։ Տնօրէն-խմբագիր՝ Հ. Շահուելտեան։
Տպագրած է կարճ պատմուածքներ ու բանաստեղծութիւններ, հետաքրքրական տեղեկութիւններ նշանաւոր մարդոց կեանքէն, հանրամատչելի յօդուածներ արուեստի, գրականութեան, պատմութեան, բժշկութեան, կենդանիներու ու բոյսերու վերաբերեալ, աշխարհագրական տեղեկութիւններ տարբեր երկիրներու ու քաղաքներու մասին։ Ունեցած է նաեւ առակներու, ծաղրանկարներու, թեւաւոր խօսքերու եւ այլ բաժիններ։