Հայաստանի Աշխատաւորուհի

«Հայաստանի Աշխատաւորուհի», խորհրդային շրջանի հայկական հասարակական–քաղաքական, գրական–գեղարուեստական պատկերազարդ ամսագիր։ Հանդիսացած է Հայաստանի կոմունիստական կուսակցութեան Կենտրոնական կոմիտէի հրատարակութիւնը։

Լոյս կը տեսնէր 1924-էն (1941–1958 -ին ընդհատուած է), Երեւանի մէջ։ Խմբագիրներ Ֆ. Վարդանեան, Վ. Տարախչեան, Ա. Չոլախեան, Վ. Աթանէսեան, Ա. Երիցեան, Ժ. Մադոյեան, Ա. Չիլինգարեան (1972 -էն)։

Առաջին շրջանին հանդէսը ներկայացուցած է հայ կնոջ մասնակցութիւնը Հայաստանի մէջ սոցիալիստական ռեժիմը ամրապնդելու, փորձած է պայքարիլ անգրագիտութեան դէմ, պայքարիլ աշխատաւոր կնոջ իրաւունքներու համար։ Վերահրատարակումէն ետք (1958) «Հայաստանի Աշխատաւորուհի» աշխոյժ մասնակցած է ԽՄԿԿ եւ ՀԿԿ համագումարներու ու պլենումներու որոշումները տպագրելու մէջ։ Գովազդած է խորհրդային գաղափարախօսութիւն՝ «սովետական հայրենասիրութիւն», «ժողովուրդներու բարեկամութիւն», «պրոլետարական ինտէրնացիոնալիզմ» եւ այլ դոգմաներ, հետեւողականոնօրէն լուսաբանած կանանց դերն ու տեղը՝ այսպէս կոչուած կոմունիստական հասարակարգի կառուցման գործին մէջ։

Գաղափարախօսութեան դիրքերէն առանձնայատուկ ուշադրութիւն նուիրած է հասարակութիւն-ընտանիք-անհատ փոխյարաբերութիւններուն, սոցիոլոգիական ուսումնասիրութիւններ կազմակերպել այդ թեմայով, հարցազրոյցներ ընել հանրապետութեան նշանաւոր համարուող մարդոց հետ։ Անդրադարձած է նաեւ կանանց ու երեխաներու առողջապահութեան, հանգիստի կազմակերպման հարցերուն, տուած բժշկական, կենցաղային խորհուրդներ։

Ամսագրին թղթակցած են հանրապետութեան գրողներ, գիտնականներ, բժիշկներ, տարբեր մասնագիտութիւններու կին գործիչներ։ Պարգեւատրուած է «Պատուոյ նշան» շքանշանով (1974):

Յղումներ

• «Հայաստանի Աշխատաւորուհի» ամսագրի թուայնացուած 1924-1998 թթ․ համարները Հայաստանի Ազգային Գրադարանի արխիւին մէջ (tert.nla.am)
• Հայկական Սովետական Հանրագիտարան (Soviet Armenian Encyclopedia) 6.djvu/136

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։