Ծովակ (Վահրամ Սարգիսեան)

Ծովակ
Ծննդեան անուն	Վահրամ Սարգիսեան
Ծնած է	1890
Ծննդավայր	Նիկոմիդիա
Մահացած է	1960
Մահուան վայր	Պոլիս, Թուրքիա
Քաղաքացիութիւն	Օսմանեան Կայսրութիւն և  Թուրքիա
Կրօնք	քրիստոնէութիւն
Մասնագիտութիւն	թարգմանիչ

Ծովակ, (1890 - 1960, Պոլիս, Թուրքիա), ի ծնէ անունով՝ Վահրամ Սարգիսեան։

Կենսագրութիւն

Ծնած է (1890-1960) Իզմիթ: Մանուկ հասակին փոխադրուած է Պոլիս: Յաճախած է Կէտիկփաշայի բողոքականներու վարժարանը (Կարկուռ). աւելի վերջը Սկիւտարի Պէրպէրեանը, ուր ունեցած է Տիրան Չրաքեանի, Ե. Տէր Անդրէասեանի եւ Տիգրան Չէօկիւրեանի պէս ուսուցիչներ. որոնց ազդեցութեան տակ տուած է գրական առաջին փորձերը։ Իր գրական ճաշակը ազդուած է նաեւ մանկութեան կրած ընտանեկան դժբախտութիւններէն եւ կսկծալի միջավայրէն։

Իր առաջին գրութիւնը քերթուած մըն է՝ Սուգը, որ լոյս տեսած է «Շանթ» գրական-գեղարուեստական հանդէսին մէջ, 1918-ին։

Ունի պատմուածքներ, արձակ էջեր, վէպեր, թատերակներ, նաեւ թարգմանութիւններ՝ մասնաւորաբար ֆրանսացի հեղինակներէ։

Լոյս տեսած են «Գիշատիչ Թռչունը» եւ «Խելառ քամիներ» վէպերը թերթօնի ձեւով, «Ժամանակ» օրաթերթին մէջ։ «Գիշատիչ Թռչունը» աւելի վերջը հրատարակուած է առանձին հատորով։ «Շղթայ» անուն թատերակը ներկայացուած է դերասան Պալթազարի յոբելեանի առթիւ։

Իր կարեւոր մասնակցութիւնը բերած է պոլսահայ գրական գործունէութեան. «Ժամանակ» օրաթերթին կիսամսեայ գրական էջերը խմբագրած է 1943-էն սկսեալ, մօտ հինգ տարի, հասցնելով նորահաս սերունդի գրողներ։

Վարած է ուսուցչական պաշտօնը Րումէլի Հիսարի Թադէոսեան վարժարանին մէջ։

Իբրեւ գրչանուն գործածած է Արեւելքցի, Վահասար եւ Հ. Ս. Հրաչ:

Մշակած է նաեւ գիւղական գրականութիւն:

Հրատարակւած գործեր

1. Խեչառ Քամիներ (վէպ) - ժամանակի թերթօն, 1942
2. Համայնապատկեր Հանրապետական Շրջանի Իսթաճ պոզանայ Գրականութեան (Ռոպէր Հատտէճեանի եւ Վարդան Կոմիկեանի աշխատակցութեամբ) - Իսթանպուլ, 1957
3. Շղթայ (թատերգութիւն) - ներկայացուած' դերասան Պաէ թաղարի յոբելեանին առթիւ,1952։
4. Գիշատիչ Թռչունը (վէպ) - Իսթանպուլ, 1960