Խորհրդային Շինարարութիւն

Խորհրդային Շինարարութիւն, խորհրդային շրջանի հայկական երկշաբաթաթերթ, ամսագիր։ Հանդիսացած է ՀՍԽՀ Կենտգործկոմի (ԿԳԿ), այնուհետեւ՝ ՀՍԽՀ ԿԳԿ-ի եւ Երեւանի քաղխորհրդի, վերջը՝ ՀՍԽՀ ԿԳԿ-ի եւ արդարադատութեան ժողկոմատի օրգանը։ Լոյս տեսած է 1928-1929, 1932-1934 թթ.-ին, Երեւանում։ Խմբագիրներ՝ Ռ. Դաշտոյեան, Կ. Վռամ։

Խորհրդային քարոզճութեան դիրքերէն փորձած է նպաստել քաղաքացիական գիտակցութեան բարձրացման, լուսաբանած խորհրդային շինարարութեան անցուդարձը, շեշտած գիւղխորհուրդներու դերը տեղական մարմիններու աշխատանքին մէջ, բարձրացուցած գիւղական եւ քաղաքային խորհուրդներու նպատակները պարզաբանող հարցեր։ «Խորհրդային Շինարարութիւնը» ներկայացուցած է նաեւ սովետական արդարադատութեան գործունէութիւնը, անդրադարձած մշակութային յեղափոխութեան, պատմական յուշարձաններու պահպանութեան հարցերուն։ Տպագրած է ՀՍԽՀ ԿԳԿ-ի շրջաբերականները, որոշումները։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։