Եռագոյն դրօշ պատմական Անիի դիմաց

Հայոց ցեղասպանութեան 105-րդ տարելիցի օրը հայ-թրքական սահմանին՝  պատմական Անիին շատ մօտ, տեղադրուեր է եռագոյն դրօշն  ու խաչքար: [1] 21 մեթր բարձրութեան վրայ տեղադրուած դրօշն ունի 10 մեթր երկարութիւն եւ 5 մ լայնք: Տեղադրուած  խաչքարն օծուեր է:

Խորհրդանշական արարողութեանը մասնակցեր են Շիրակի մարզպետ Տիգրան Պետրոսեանը, Գիւմրիի քաղաքապետ Սամուէլ Պալասանեանը, պաշտօնատար այլ անձինք, հիւրեր:

Դրօշը Հայաստանի մէջ տեղադրուած ամենամեծ դրօշներէն է, որը  շատ յստակ կ՛երեւի սահմանէն այն կողմ:

«Անշուշտ, շատ յուզիչ ու խորհրդանշական էր: Դրօշը վեր խոյացեր է անմիջապէս Անի մայրաքաղաքի դիմաց  ու խորհրդանշական ՝ Ապրիլի 24-ին,  որն իր մէջ կ՛ամփոփէ կարեւոր միտք մը՝ եղեր ենք, կանք ու կը լինենք։ Իսկ սահմաններն ու սահմանային բնակավայրերը պէտք է հայու շունչով լեցուին եւ առաւել ամուր ըլլան»,-իր խօսքին մէջ նշած է Շիրակի մարզպետ Տիգրան Պետրոսեանը:

Նախաձեռնութիւնը կարելի դարձած է շնորհիւ ռուսաստաբնակ Ասլանեան, Խռանեան եւ Գրիգորեան ընտանիքներու աջակցութեան։

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]