Եթերում է Երեւանը

«Եթերում է Երեւանը», խորհրդային շրջանի հայակական շաբաթաթերթ։ Հանդիսացած է ՀԽՍՀ նախարարներու խորհուրդի (մինիստրներու սուէտ) հեռուստատեսութեան եւ ռատիոհաղորդումներու պետական կոմիտէի հրատարակութիւնը։ Առաջին անգամ լոյս տեսած է 1957 թուականին, (1957-1960 թուականներուն՝ «Ռատիօ եւ հեռուստատեսութիւն», 1960-1967 թուականներուն՝ «Խօսում է Երեւանը», 1967-1969 թուականներուն՝ «Խօսում եւ ցուցադրում է Երեւանը»), Երեւանի մէջ։

Տպագրած է ռատիոյի եւ հեռուստատեսութեան ծրագրեր, ծանօթացուցած կարեւոր համարուող հաղորդումներուն։

Նիւթեր տպագրած էր գրականութեան, կերպարուեստի, կինոյի, գիտութեան (յատկապէս ռատիոտեխնիկայի) վերաբերեալ պատրաստուած հաղորդումներէն։ Մինչեւ 1957 թուականը հանրապետական ռատիոկոմիտէն հրատարակած է՝ «Խօսում է Երեւանը» (1933-1934, վիմատիպ շաբաթաթերթ), «Լսեցէք, խօսում է Երեւանը» (1936-ին, կիսամսեայ), «Ռատիօ աշխատող» (1936-1938-ին, ամսաթերթ), «Ռատիոծրագիր» (1939-1941-ին, կիսամսեայ), ինչպէս նաեւ «Մանկական ռատիոհաղորդումներու ծրագիր» (1934-1939-ին, ամսաթերթ) պարբերականները։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։