Դլփինները, կէտերը եւ ծովախոզուկները (porpoises) յառաջացած են կաթնասուններէ, որոնք ժամանակին ապրած են ցամաքի վրայ: Տասնեակ միլիոնաւոր տարիներ առաջ կէտազգիներու նախնիները մերժած են ցամաքային կեանքը` յօգուտ բաց ովկիանոսի:
Դլփինները կը լողան ովկիանոսին մէջ, իրենց պոչը վեր ու վար տարուբերելով:
Իւրաքանչիւր դլփին ունի իրեն յատուկ սուլոց մը, զոր կը գործածէ իբրեւ իր իւրայատուկ կանչը եւ զայն անփոփոխ կը պահէ ամբողջ կեանքին ընթացքին: Դլփինները աւելի քան 20 տարի բաժնուած ապրելէ ետք տակաւին կրնան զանազանել երբեմնի սերտ ընկերակիցի մը սուլոցը` բոլորովին տարբեր սուլոցներէ, զորս կ'արձակեն իրենց համար օտար դլփիններ:
Դլփինները միջին հաշուով 20 տարի կ'ապրին վայրի բնութեան մէջ, թէեւ բանտարկուած դլփինները կ'ապրին մինչեւ 45 տարի[1]:
Դլփինները կը շնչեն իրենց գլխուն վրայ գտնուող ծակի մը միջոցով[2]:
Շնչելու համար, նորածին դլփինին մայրը կամ խումբէն ուրիշ էգ դլփին մը կ'օգնեն անոր բարձրանալու դէպի ջուրին մակերեսը, ուր ան իր թոքերը օդով կը լեցնէ: Ձուկերը կրնան շնչել ջուրին մէջ` շնորհիւ անոնց գլխուն երկու կողմերը գտնուող խռիկներուն, որոնց միջոցով անոնք կը ծծեն ջուրին մէջ գտնուող թթուածինը: Դլփինները այս դրութեամբ չեն օժտուած, հետեւաբար անոնք չեն կրնար շնչել ջուրին տակ[3]:
Դլփինները կ'օգտագործեն իրենց կոնաձեւ ակռաները արագ շարժող որսը բռնելու համար։
Անոնք ունին լաւ զարգացած լսողութիւն, որ կը յարմարի ինչպէս օդի, այնպէս ալ ջուրի համար: Անիկա այնքան զարգացած է, որ նոյնիսկ կոյր դլփիններուն գոյատեւման կը նպաստէ։
Կարգ մը տեսակներ կրնան մինչեւ շատ խոր սուզուիլ։
Ռազմական դլփինԱնոնց մաշկին տակ կայ ճարպի հաստ շերտ մը, սառ ջուրին մէջ տաքութիւն պահելու համար։
