Արփի (թերթ)

Jump to navigation Jump to search

«Արփի», պատկերազարդ շաբաթաթերթ։ Լոյս տեսած է 1913-1914 թթ., Թիֆլիսի մէջ։ Խմբագիր-հրատարակիչ՝ Հ.Տէր-Աստուածատրեանց։ Պարբերականի էջերուն մէջ քննարկուած են ժամանակի հայկական ու միջազգային հասարակական քաղաքական կարեւոր համարուող խնդիրները, Պալքանեան պատերազմի իրադարձութիւնները եւ այլն։ Յօդուածներ նուիրած է արեւմտահայութեան եւ անոր ապագան, ռուսամետական դիրքերէն, առնչած է Ռուսաստանի արեւելեան քաղաքականութեան հետ։ Արտայայտած է Անդրկովկասի մէջ կապիտալիստական յարաբերութիւններու զարգացման օգտին, խրախուսած տեղական արդիւնաբերութեան զօրեղացումը՝ ի հակակշիռ օտար կապիտալի։

«Թատրոն», «Երաժշտութիւն», «Ծիծաղ», «Խելքի աշխարհ» եւ այլ խորագրերով նիւթերուն մէջ լուսաբանած է Թիֆլիսի եւ ընդհանրապէս հայ մշակութային իրադարձութիւնները, տպագրած երգիծական մանրապատումներ եւ ծաղրանկարներ։ «Արփի»-ի մէջ հրատարակուած են հայ գրողներու ստեղծագործութիւններ, թարգմանութիւններ ռուս եւ եւրոպական գրականութենէն։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  CC BY-SA icon 80x15.png