Աուկուսթինովիզ

Աուկուսթինովիզ, Տոմպռովսքա Վալատիսլավա նկարչուհի։

Կենսագրական գիծեր

Ծնած է 15 Մայիս 1901-ին ի Քրաքով։ Միջին դասընթացքը աւարտելէն յետոյ նկարչութեան կը հետեւի նախ առանձնաբար սորվելով եւ ապա անուանի նկարչուհի Մէխօֆֆէրօվայի դպրոցին մէջ։ 1925-ին նկարիչներու զովողութեան մէջ մտած է։ 1929-ին կ՚ամուսնանայ Տոքթոր Սթանիսլավ Տոմպրովեսքիին հետ որ նմանապէս արուեստագէտ նկարիչ մըն էր։ 1952-ին սկսեալ արդէն կը մասնակցի տեղական նկարահանդէսներու եւ ապա ինքը կը ցուցադրէ իր գործերը՝ Վարշաւայի, Քրաքովի եւ Շիքակոյի մէջ։ Կը շահագրգռուի մասնաւորապէս Դաշտանկարչութեամբ եւ դիմանկարներով։ Իր գործերուն մէջ յիշուելու արժանի են՝

1. Կին մը կուժ ի ձեռին (1926)
2. Իր մօր դիմանկարը (1921)
3. Հանգիստ աշխատանքէ ետքը (1927)
4. Ձմեռը լեռներուն վրայ (1929)
5. Վայրանկար մը (1931)
6. Կլանաւի ապրանքը (1932)
7. Դղեակի մը ներքնակողմը (1934)։

Աղբիւրներ

• Հայ Հանրագիտակ, Հ. Մկրտիչ Վրդ. Պոտուրեան, 1938, էջ 201: