Անդան Էօզէր

Անդան Էօզէր
Ծնած է	1927
Ծննդավայր	Պոլիս
Ազգութիւն	Հայ
Կրօնք	Քրիստոնեայ

Անդան Էօզէր (1927), հայ բանաստեղծ։

Կենսագրութիւն

Անդան Էօզէր ծնած է Պոլիս։ Աւարտած է Առեւտրական բարձրագոյն վարժարանը։ թԳրել սկսած է 1940-ին «Երջանիկ» տարեգիրքերուն մեջ։ Իր առաջին թատերախաղը՝ Պուղ Տօլապը ներկայացուած է Իսթանպուլի Պետական Ձայնասփիւռէն։

Իր պատմուածքներէն «Գողը» առաջին մրցանակի արժանացած է Կեդրոնական Սանուց Միութեան պատմուածքներու մրցանքին։

Իր «Սառնադարան» թատերգութիւնը հայերէնի թարգմանուած է եւ ներկայացուած՝ Թորոնթոյի մէջ։

Ա․ Էօզէր կ'աշխատակցի Պոլսահայ թերթերու եւ հանդէսներու։

Գործեր

Հրատարակած է հետեւեալ հատորները Պոլսոյ մէջ․

«Ահա Այսպէս» (բանաստեղծութիւններ, 1953)

«Ծածուկ Իրականութիւններ» (Պատմուածքներ․ 1984 Ա․ տպագրութիւն,1990 Բ․ տպագրութիւն)

«Առանձնութիւն» (բանաստեղծութիուններ, 1984)

պատմուածքներ, 1990։

Բազմակողմանի ձիրքերով ու գրելու բացառիկ դիւրութեամբ օժտուած կարեւոր արժէք մըն է Անդան Էօզէր․ թէ՛ բանաստեղծութեան եւ թէ նորավիպագրութեան մարզերուն մէջ ժողովրդականութիւն շահած սիրելի դէմք մը։

Իր բանաստեղծութիւնները մեծ հաճոյքով կը կարդացուին.․ պատմուածքները սրտագրաւ են իրենց անկեղծութեամբ ու սրամտութեամբ։ Իր գլխաւոր հերոսները կը կազմեն առ հասարակ զրկեալ եւ անիրաւուած մարդիկը։ Միւս կողմէ կը մարմնացնէ հարուստն ու ագահը, որ գիտեն շահագործել իրենցմէ տկարները։ Իր լեզուն ժողովրդական է ու դիւրամատչելի։

Աղբիւրներ

Սփիւռքահայ արդի գրականութիւն (խմբ. խմբագրող և համադրող՝ Սեդա Ծաղիկեան-Տէմիրճեան), Միշիկըն էջ 20։