Ալեքսիս Սանչեզ

Jump to navigation Jump to search
Ալեքսիս Սանչեզ
սպ.՝ Alexis Sánchez
Alexis Sánchez 2017.jpg
Ծննդեան անուն սպ.՝ Alexis Alejandro Sánchez Sánchez
Ծնած է 19 Դեկտեմբեր 1988(1988-12-19)[1][2][3][4] (31 տարեկան)
Ծննդավայր Tocopilla, Անտոֆագաստա, Չիլի
Քաղաքացիութիւն Flag of Chile.svg Չիլի
Մասնագիտութիւն ֆուտբոլիստ

Ալեքսիս Ալեխանտրօ Սանչեզ (սպ.՝ Alexis Sánchez, 19 Դեկտեմբեր, 1988, Թոքոփիլլա (Tocopilla), Չիլի), չիլիցի Ֆութպոլիստ, կիսապաշտպան, Չիլիի Ֆութպոլի ազգային հաւաքականի եւ անգլիական «Արսենալի» խաղացող։

Կենսագրութիւն[Խմբագրել | Խմբագրել աղբիւրը]

Իր առաջին իսկ մրցաշարքին ան կը մասնակցի 38 ճակատումներու եւ 3 կոլ կը նշանակէ։ Յուլիս 2006-ին Սանչեզը կը գնէ իտալական Ուտինեզ (Udinese) խումբը եւ վարձքով կը տրամադրէ չիլիական մէկ այլ խումբի մը՝ Քոլօ Քոլոյին (Colo-Colo)։ Հոն ան 48 խաղի կը մասնակցի եւ կը նշանակէ 9 կոլ։ Յաջորդ տարի իտալական ակումբ մը չիլիցին կրկին վարձքով կը յանձնէ այլ ակումբի մը։ Այս անգամ Ալեքսիս կը խաղայ արժանթինեան Ռիվըր Փլէյթէն (River Plate), ուր կը մասնակցի 31 ճակատման եւ հիանալի տպաւորութիւն կը ձգէ։ Ան իր ամբողջ տաղանդը ցոյց կու տայ 2010/2011 թուականներու մրցաշարքին ատեն։ Կը մասնակցի 31 ճակատման, կը նշանակէ 12 կոլ ու կը ճանչցուի մրցաշարքին լաւագոյն ֆութպոլիստը։ Ան աչքի կը զարնէ նաեւ իր կոլային փոխանցումներով։

Alexis Sánchez.jpg

Ալեքսիսով կը սկսին հետաքրքրուիլ եւրոպական շարք մը մեծ ակումբներ, բայց ի վերջոյ չիլիցին կ'ընտրէ Պարսան։ Եւրոպայի եւ Սպանիոյ ախոյեան Պարսելոնայի կողմէ հրապարակուած հաղորդագրութեան մը մէջ կը նշուի, որ ակումբը յաջողած է ձեռք ձգել չիլիցի յառաջապահ Ալեքսիս Սանչեսի ստորագրութիւնը` փոխան 37 միլիոն ամերիկեան տոլարի: Սանչես, որ նախորդ տարեշրջանին 31 մրցումի ընթացքին նշանակած էր 12 կոլ, կը հանդիսանայ առաջին մարզիկը, որ նախորդ տարեշրջանին աւարտէն ետք կը միանայ մարզիչ Եոսիփ Կուարտիոլայի կազմին[5]:

Ալեքսիս Սանչեզ կրնայ խաղալ յարձակման իւրաքանչիւր դիրքի վրայ, սակայն ինք կը նախընտրէ աջ եզրը: Արագութիւնը անոր գլխաւոր զէնքն է։ Ան դիւրութեամբ կրնայ ազատիլ պաշտպաններու հսկողութենէն եւ գնդակը ուղարկել տուգանային հրապարակ։ Ան նաեւ կը սիրէ ազատ տարածութիւն ստեղծել իրեն համար կեդրոնին մէջ ու հեռահար հարուած կատարել։ Ան առանձնայատուկ խաղացող է եւ իսկական ռմբարկու։ Ալեքսիս կը համապատասխանէ Քաթալոնեան խումբի խաղի ոճին։ Թէեւ ան յարձակող է, բայց յաճախ կը նահանջէ եւ կ'օգնէ պաշտպաններուն, որովհետեւ իւրաքանչիւր կորսնցուցած գնդակը իրեն համար արժէք մը կը ներկայացնէ։

15 Փետրուար 2012-ին, «Չեմփիընզ լիկ»-ի ֆութպոլի մրցաշարքի 1-16-րդ հանգրուանի երթի մրցումներուն, տեղի կ'ունենան երկու ճակատումներ, առաջինը` Գերմանիոյ մէջ, իսկ երկրորդը` Ֆրանսայի մէջ: Պարսելոնա, որ հիւրն էր Պայէր Լեւերքուզընի, 3-1 արդիւնքով յաղթանակ մը կ'արձանագրէ: Չիլիցի Ալեքսիս Սանչեզ (41-րդ եւ 55-րդ) եւ Լիոնել Մեսսի (88-րդ) կը նշանակեն Պարսայի կոլերը[6]:

2014-ի Մոնտիալին Չիլիի ֆութպոլի ազգային խումբին հետ Սանչես 4 մրցումի ընթացքին կը նշանակէ 2 կոլ: 2014-ին Պարսելոնայի յառաջապահ Ալեքսիս Սանչես իր ակումբը լքելով կը միանայ Արսենալի: Թէեւ ճշգրիտ գումարին մասին ոչինչ կը յայտարարուի, սակայն կը կարծուի, որ անոր փոխանցման համար Արսենալ սպանական կազմին կը վճարէ 59,5 միլիոն ամերիկեան տոլար[7]:

Ծանօթագրութիւններ[Խմբագրել | Խմբագրել աղբիւրը]