Ազգային Թատրոն (Փրակա)

Կայք
	Národní divadlo (institution) Վիքիպահեստում

Ազգային թատրոն (չեխ․՝ Národní divadlo), Փրակայի մէջ յայտնի է որպէս Չեխիոյ երգախաղի մայր թատրոն եւ ընդգրկուած է Չեխիոյ պատմութեան եւ արուեստի ազգային յուշարձաններու ցանկին մէջ^[1]։

Պատմութիւն

Ազգային թատրոնի շէնքը կը համարուի Չեխիոյ կարեւորագոյն ճարտարապետական յուշարձաններէն մէկը։ Կը գտնուի Վլտաուա գետի ափին, Փրակեան Գրատի տարածքին մէջ:

Թատրոնը կառուցուած է 1867-1881 թուականներուն, ճարտարապետ՝ Յոզեֆ Զիտեկի նախագիծով, նեոռենեսանսի ոճով, ներքին զարդարումներով: Նկատելի է նաեւ սլաւական առասպելաբանութեան ազդեցութիւն։ Առաստաղը ութ «Արուեստներու այլաբանութիւններով» նկարազարդած է Ֆրանտիշեկ Ժենիշեկը։

Բացումէն երկու ամիս ետք շէնքը վնասուած է հրդեհի պատճառով։ Թատրոնի վերակառուցման աշխատանքները շարունակած է Զիտեկի սանը՝ Յոզեֆ Շուլցը։ Շէնքի վերաբացումը տեղի ունեցած է 1883-ին։ Շէնքը կառուցուած է ժողովրդական նուիրատուութիւններու շնորհիւ եւ շինարարութեան կարգախօս եղած է՝ «Ազգն ինքն իրեն» (Národ sobě) արտայայտությունը։ Այս կարգախօսը այժմ գրուած է թատրոնի գլխաւոր բեմահարթակին վերի բաժինը։

1976-1983 թուականներուն թատրոնը կրկին վերանորոգուած եւ ընդլայնուած է։

1983-ին Ազգային թատրոնի 100-ամեակի առիթով, նոր բեմով կառուցուած շէնքը բացուեցաւ։

Թատրոնը ունի քանի մը բեմ։

Քարէ մոխրագոյն շէնքը ունի ձուաձեւ կապոյտ գմբէթ՝ զարդարուած է մեծ թագով, որ կ'առանձնանայ շէնքի մոխրագոյն յատակին վրայ։ Շէնքի ճակատը կը զարդարեն մուսաներու եւ Ապոլոնի արձանները։ Կողքային մուտքի վերը տեղադրուած են օփերայի եւ թատրոնի այլաբանական արձանները։