Արեգ Լուսինեան
| Արեգ Լուսինեան | |
|---|---|
.jpg) | |
| Ծնած է | 20 Մարտ 1935 (89 տարեկան) |
| Ծննդավայր | Ախալցխա, Վրացական Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն |
| Ուսումնավայր |
Ռոմանոս Մելիքեանի անուան երաժշտական ուսումնարան Երեւանի Կոմիտասի անուան պետական երաժշտանոց |
| Մասնագիտութիւն | երգահան |
| Աշխատավայր |
Հայաստանի Կոմպոզիտորներու Միութիւն Խ. Աբովեանի Անուան Մանկավարժական Համալսարան |
| Անդամութիւն | Հայաստանի Կոմպոզիտորներու Միութիւն |
| Երեխաներ | Լուսինէ Լուսինեան |
Արեգ Լուսինեան (20 Մարտ 1935, Ախալցխա, Վրացական Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն), հայ երգահան, Հայաստանի Հանրապետութեան արուեստի վաստակաւոր գործիչ (2011)։
Կենսագրութիւն[Խմբագրել | Խմբագրել աղբիւրը]
Ծնած է 20 Մարտ 1935-ին, Ախալցխա, Վրաստան: 1956-ին աւարտած է Ռոմանոս Մելիքեանի անուան երաժշտական ուսումնարանի ստեղծագործական բաժինը, իսկ 1961-ին՝ Երեւանի Կոմիտասի անուան երաժշտանոցը: 1966-ին զուգահեռաբար կ՚ընդունուի Հայաստանի եւ նախկին Խորհրդային Միութեան երաժշտահաններու եւ երաժշտագէտներու միութիւններու իբրեւ անդամ:
1962-1964 իբրեւ դասախօս պաշտօնավարած է Ռոմանոս Մելիքեանի անուան երաժշտական ուսումնարանին մէջ, իսկ 1971-էն ի վեր կը դասախօսէ Խաչատուր Աբովեանի անուան հայկական մանկավարժական համալսարանին մէջ, ուր 2005-ին արժանացած է փրոֆեսէօրի կոչման[1]:
Ստեղծագործութիւններ[Խմբագրել | Խմբագրել աղբիւրը]
Արեգ Լուսինեանի ստեղծագործական բազմահարուստ վաստակը կը ներառէ՝
- Երկու համանուագներ՝ «Համանուագ թիւ 1» եւ «Համանուագ-ռիքուեմ»,
- «Միշտ քեզ հետ» օփերեթ,
- Վոքալ-սիմֆոնիք ստեղծագործութիւններ։
Դաշնակի ստեղծագործութիւններ՝
- «Նազանքով պար» երկու դաշնակի համար,
- «Երիտասարդական պար»
Դաշնակի շարքեր՝
- «Փոքրիկ պատկերներ»,
- «Կրկէս»,
- «Աշխարհի ժողովուրդներու պարեր»…:
Բազմաթիւ առանձին մանրանուագներ, խուսանուագներ, մանկական եւ հայրենասիրական երգերու դաշնակի պատշաճեցումներ:
Երգեր, խմբերգներ, զուգերգներ, մեներգներ, ռոմանսներ եւ հոգեւոր երգեր՝ հանրածանօթ հայ բանաստեղծներու խօսքերով:
«Հայրենեաց տաղարան» հայրենասիրական եւ յեղափոխական երգերու մշակումներ:
Դպրոցականներու եւ պատանիներու համար բազմաթիւ երգեր:
Մանկապատանեկան օփերաներ՝
- «Ուլիկը»,
- «Ծիտը»,
- «Երկինքը փուլ է գալիս»:
Ան Շուշիի «Վարանդա» եւ Լիբանանի «Կարկաչ» երգչախումբերուն համար ստեղծագործած է բազմաթիւ երգեր[2][3]:
Ծանօթագրութիւններ[Խմբագրել | Խմբագրել աղբիւրը]
- ↑ «Հանրապետութեան նախագահի հրամանագրերը - Փաստաթղթեր - Հայաստանի Հանրապետութեան Նախագահ»։ www.president.am։ արտագրուած է՝ 2021-01-09
- ↑ «AV Production - Արեգ Լուսինեան»։ avproduction.am։ արտագրուած է՝ 2021-01-09[permanent dead link]
- ↑ «Արեգ Լուսինեան»։ Hamazkayin (Hy-am)։ 1935-12-18։ արտագրուած է՝ 2021-01-09