Վագր

Վագր, կաթնասուն անասուն է։ Կատուազգիներու ընտանիքի այս անասունները՝ ներկայիս, ամենամեծ գիշատիչներէն կը համարուին։ Վագրի մարմինին երկարութիւնը մինչեւ երեք մ.-ի կը հասնի. կատուազգիներու ամենամեծն է, իսկ միւս ենթատեսակներուն չափերը իրարմէ շատ կը տարբերին։

Ցամաքային ենթատեսակները կղզիաբնակներէն մեծ են։ Ամենամեծ ենթատեսակներն են՝ պենկալական եւ ամուրեան վագրերը։ Ամուրեան արու վագրի մարմինին երկարութիւնը առանց պոչի կը հասնի 3.5 մեթրի, իսկ կշիռքը՝ 300 քիլօ։

Վագրը եղած է մարզական որսորդութեան եւ արդիւնագործութեան առարկայ (արժէքաւոր է մորթիը)։ Այժմ անոնց թիւը պակսած է։ Գրանցուած են Բնութեան Պահպանութեան Միջազգային Միութեան Կարմիր Գիրքին մէջ։ Վագրերը դիւրութեամբ կ'ընտելանան անազատ պայմաններուն։

Վագրը կը բազմանայ 2–3 տարին անգամ մը, կ'ունենայ 2–4 ձագ ու կ'ապրի 20 տարի եւ կամ աւելի երկար։

Արտաքին տեսք

Պենկալական վագր

Պենկալական սպիտակ վագր

Վագրը ունի իւրայատուկ գունաւորում։ Արտաքին տեսքի գունաւորումը կը ներկայացուի՝ մուգ եւ կարմրանարնջագոյն ուղղաձիգ շերտերու յաջորդականութեամբ՝ իր ամբողջ մարմնին վրայ։ Փորի մասին վրայ անոնք կը վերանան եւ մորթին կը դառնայ սպիտակ։

Սովորաբար պենկալեան, սումաթրայի, հարաւ-չինական եւ հնդաչինական վագրերուն ստեւները աւելի մութ են քան ամուրեանինը։

Մշակոյթի մէջ

Ուիլիըմ Պլէյքի «Վագր» բանաստեղծութեան պատկերազարդումը