Նարեկ Դուրեան

Նարեկ Դուրեան;
Ծնած է	26 Ապրիլ 1959 (64 տարեկան)
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Հայաստան
Ուսումնավայր	Անտոն Չեխովի անվան թիվ 55 դպրոց?; Սայաթ-Նովայի անվան երաժշտական դպրոց?; Երեւանի Պետական Գեղարուեստաթատերական հիմնարկ
Մասնագիտութիւն	դերասան
Ծնողներ	հայր՝ Օհան Դուրեան
Երեխաներ	Շուշան, Օհան ու Արմէն

Նարեկ Դուրեան, (26 Ապրիլ 1959(1959-04-26), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), Հայ դերասան։ Խմբավար եւ երաժշտահան Օհան Դուրեանի որդին։

Կենսագրութիւն[Խմբագրել | Խմբագրել աղբիւրը]

Նարեկ Դուրեանը ծնած է Երեւան, խմբավար Օհան Դուրեանի ընտանիքին մէջ։ Ուսանած է Անտոն Չեխովի անուան թիւ 55 միջնակարգ դպրոցը, Սայաթ-Նովայի անուան երաժշտական դպրոցը, 1976-1980 թուականներուն՝ Երեւանի գեղարուեստա-թատերական հիմնարկի դերասանական կաճառը։

1978 թուականէն եղեր է Երեւանի Փոսի թատրոնի դերասան եւ երաժիշտ։ 1980 թուականին մեկներ է Աւստրիա, ապա՝ Ֆրանսա: 1980-1982 թուականներուն Մարսէյլ, Փարիզ եւ այլ քաղաքներու ճազ ակումբներու մէջ հանդէս է եկեր որպէս դաշնակահար։

1984 թուականին ֆրանսահայ համայնքին մէջ բեմադրեր է «Քաջ Նազար» երաժշտական կատակերգութիւնը։ 1985 թուականին Փարիզի օփերայի մէջ Մուսորկսքի «Սալամպօ» օփերային ներկայացման մէջ խաղցեր է Մուսորկսքիի դերը։

1989 թուականին հիմներ է «Բոհեմի թատերախումբ» միութիւնը, հիւրախաղերով հանդէս եկեր է տարբեր երկիրներու մէջ։

1990 թուականին Յակոբ Պարոնեանի անուան պետական երաժշտական կատակերգութեան թատրոնի մէջ բեմադրել է «Օփերացիա Նեմեսիս» ներկայացումը^[1]^[2]:

Բնակած է Ֆրանսաի մէջ։ Հայաստան տեղափոխուեր է 2007 թուականին։

15 Սեպտեմբեր 2016-ին Երեւանի մէջ հիմներ է «Բոհեմ» թատրոնը։

Բեմադրություններ, դերեր[Խմբագրել | Խմբագրել աղբիւրը]

«Մորաքոյրը Փարիզէն»
«Սե լա վի»
«Մենք ենք, մեր ստերը»
«Դոն Ժուան Ավիա»
«Քաջ Նազար»
«Շեղշե լա ֆամ»
«Քոմա նոսթրա»
«Իմ կնոջ անունն է Մորիս»
«Տիկնիկներու խանութ»
«Ամանորը Նազարի մօտ»
«Ճտերը աշնան կը հաշուեն»
«Օփերացիա Նեմեսիս»
«Սիրոյ մենիւ»

ՀՅԴ «Քրիստափոր» կոմիտէին կազմակերպութեամբ ու հրաւէրով կիրակի, 16 եւ երկուշաբթի, 17 փետրուարին բեմադրիչ եւ դերասան Նարեկ Դուրեան «Յակոբ Տէր Մելքոնեան» թատերասրահին մէջ պիտի ներկայացնէ իր նոր` «Սիրոյ մենիւ» մենակատակերգութիւնը, որուն արտադրողն է Քրիստինէ Յովհաննիսեան^[3]:

Այն օրը, երբ որեւէ մասնագիտութեան տէր մարդ գոհ ըլլայ իր աշխատանքէն, այդ պահուն ինծի համար ան վերջացած անձ կը դառնայ^[3]: Անշուշտ գոհ չեմ իմ թատերական աշխատանքէն, որովհետեւ շատ աւելին կրնայի ընել, բայց ժամանակ չունեցանք, քիչ մը անարդար է: Ժամանակը կարճ է:

- Նարեկ Դուրեան

Լիբանանահայ գաղութը շատ կարեւոր նշանակութիւն ունի ինծի համար, նաեւ` հայապահպանման առումով: Այսօր փոքր թիւ ունեցող ազգերը վտանգուած են, եթէ ուշադիր նայիք աշխարհին, կը տեսնէք, թէ ի՛նչ կը կատարուի: Այսօր կրօն, ընտանիք, լեզու շատ վտանգուած են, եւ փա՛ռք այն մարդոց, խումբերուն, միութիւններուն, կուսակցութիւններուն, կառավարութիւններուն, որոնք կարողութիւն ունինք իրենց ինքնութիւնը պահպանելու: Ինծի համար այս բոլորին լաւագոյն օրինակը լիբանանահայ գաղութն է, որ եղած է, կայ եւ կը մնայ:^[3]

- Նարեկ Դուրեան