Հայ երիտասարդաց դաշնակցություն

Կաղապար:ԱՀ Հայ երիտասարդաց դաշնակցություն, ՀԵԳ, Հ.Յ.Դ. երիտասարդական ստորաբաժանումը։ Փաստացի, ԱՄՆ Ցեղակրոն Ուխտերին հաջորդող կազմակերպությունն է։

Պատմություն

Ի սկզբանե եղել է ԱՄՆ Ցեղակրոն Ուխտեր կազմակերպությունը, որը հիմնվել է 1933 թվականին Բոստոնում՝ ԱՄՆ գործուղված Գարեգին Նժդեհի նախաձեռնությամբ՝ ՀՅԴ հովանավորությամբ գործող տարբեր երիտասարդական խմբերի (Արամներ, Քրիստափորներ, Անդրանիկներ, Կայծակներ) անդամների միավորմամբ։

Սկզբնապես կոչվել է Հայ երիտասարդաց դաշնակցության ցեղակրոն ուխտերի միություն, 1941 թվականից՝ Հայ երիտասարդաց դաշնակցություն:

Նպատակն է պահպանել հայ երիտասարդության ազգային ինքնությունը, պայքարել ուծացման դեմ, վառ պահել ազատ, անկախ և միացյալ Հայաստանի գաղափարը։

1973 թվականին (մինչ այդ ունեցել է մեկ կենտրոնական վարչություն Արևելյան Ամերիկայում՝ Բոստոն) բաժանվել է Արևելյան Ամերիկայի, Արևմտյան Ամերիկայի, Կանադայի մասնաճյուղերի։ Կանադայում կազմակերպությունը կոչվում է ՀՅԴ Գանատայի Երիտասարդական Միութիւն (ՀՅԴ-ԳԵՄ)։ 1989 թվականին կազմակերպության Արևմտյան Ամերիկայի մասնաճյուղը բաժանվել է ՀԵԴ-ի ուխտերի (կենտրոնական վարչության հովանու ներքո) և Պատանեկան կազմակերպության (Պատանեկան վարիչ մարմնի հովանու ներքո)։ ՀԵԴ կազմակերպում է օլիմպիական խաղեր, դասաիտսություններ, քաղաքական հավաքներ, երգի երեկոներ, ունի երիտասարդական ամառային ճամբարներ Բոստոնի (Քեմփ Հայաստան՝ Արևելյան ԱՄՆ-ի լավագույն ճամբարներից մեկը) և Լոս Անջելեսի մերձակայքում։

Արևմտյան Ամերիկայի ՀԵԴն հրատարակում է «Հայդուկ» պարբերաթերթը ընդհատումներով։ Կանադայում հրատարակվում է «Արծիւ» պարբերաթերը (Արծիւ պաշտօնաթերթ)։

Տե՛ս նաեւ

• ԱՄՆ Ցեղակրոն Ուխտեր

Այս յօդուածի նախնական տարբերակը կամ նրա մասը վերցուած է «Հայ Սփյուռք» հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։