«Ռաֆայէլ Պետրոս ԻԱ. Մինասեան» խմբագրումներու միջեւ տարբերութիւն
Նոր էջ «{{Տեղեկաքարտ Անձ|անուն ազգանուն=Րաֆայէլ Պետրոս ԻԱ. Մինասեան|ծննդեան անուն=Րաֆայէլ Ֆրանսուա Մինասեան|ծնած է=24 Նոյեմբեր 1946|ծննդավայր=Պէյրութ, Լիբանան|պատկեր=Raphaël_Bedros_XXI_Minassian.jpg|կրօնք=Հայ կաթողիկէ|մասնագիտութիւն=Աստուածաբանութիւն, փիլի...»: |
(Տարբերութիւն չկայ)
|
17:09, 28 Հոկտեմբեր 2021-ի տարբերակ
| Րաֆայէլ Պետրոս ԻԱ. Մինասեան | |
|---|---|
|
Պատկեր:Raphaël Bedros XXI Minassian.jpg | |
| Ծննդեան անուն | Րաֆայէլ Ֆրանսուա Մինասեան |
| Ծնած է | 24 Նոյեմբեր 1946 |
| Ծննդավայր | Պէյրութ, Լիբանան |
| Քաղաքացիութիւն |
 Լիբանան |
| Կրօնք | Հայ կաթողիկէ |
| Ուսումնավայր |
Քահանայապետական Գրիգորեան Համալսարան Սալեզեան Համալսարան |
| Մասնագիտութիւն | Աստուածաբանութիւն, փիլիսոփայութիւն |
| Վարած պաշտօններ | Հայ կաթողիկէ եկեղեցւոյ պատիրարք |
Կաթողիկոս պատրիարք Րաֆայէլ Պետրոս ԻԱ. Մինասեան (ծն. 24 Նոյեմբեր 1946), Հայ կաթողիկէ եկեղեցւոյ 21-րդ եւ ներկայ պատրիարքն է: 26 Սեպտեմբեր 2005-էն մինչեւ 24 Յունիս 2011, ան կը ստանձնէ Երուսաղէմի եւ Ամմանի փոխանորդութեան պատրիարքական փոխանորդի պաշտօնը: Ապա մինչեւ 23 Սեպտեմբեր 2021, ան կը վարէ Հայ կաթողիկէ եկեղեցւոյ Արեւելեան Եւրոպայի թեմի առաջնորդութեան պաշտօնը: Այս թեմին մաս կը կազմեն Հայաստանը, Վրաստանը, Ռուսիան եւ Ուքրանիան:
Կենսագրութիւն
Րաֆայէլ Ֆրանսուա Մինասեան ծնած է Պէյրութ, 24 Նոյեմբեր 1946-ին: 1858-ին կը մտնէ Զմմառի պատրիարքական միաբանութեան ընծայարան, ուր կը ստանայ դպրոցական բարձրագոյն կրթութիւն: 1966-ին կը մեկնի Հռոմ, ուր իր ուսումը կը շարունակէ քահանայապետական Լեւոնեան հայ վարժարանի եւ ապա կ'աշակերտէ քահանայապետական Գրիգորեան համալսարանէն ներս, ուր կը ստանայ փիլիսոփայութեան եւ աստուածաբանութեան վկայականները: Անկէ ետք կ'անցնի Հռոմի Սալեզեան համալսարան, ուր կը մասնագիտանայ գործնական հոգեբանութեան մէջ:[1][2]
24 Յունիս 1973-ին, Պէյրութի մէջ կը ձեռնադրուի կուսակրօն քահանայ:[2] Մինչեւ 1980 կը ստանձնէ Պէյրութի Ս. Գրիգոր Լուսաւորիչ – Ս. Եղիա աթոռանիստ եկեղեցւոյ հովուութիւնը: 1978-ին կը նշանակուի Լիբանանի հայ կաթողիկէ եկեղեցական ատեանի քարտուղար, ապա` եկեղեցական դատաւոր` մինչեւ 1989:[1]
1980-էն 1984 Քասլիքի Ս. Հոգի համալսարանին մէջ կը դասաւանդէ ծիսագիտութիւն: 1983-էն 1986 կը ստանձնէ Զալքայի Ս. Խաչ եկեղեցւոյ ժողովրդապետութեան պաշտօնը: Իր շնորհիւ է, որ կը կառուցուի Զալքայի Ս. Խաչ եկեղեցին: 1986-էն 1988, ան պատրիարքական քարտուղարն էր: 1988-էն 1990 դարձեալ կը ստանձնէ Զալքայի Ս. Խաչ եկեղեցւոյ ժողովրդապետութեան պաշտօնը` միաժամանակ վարելով նորակառոյց պատրիարքական վարժարանի տնօրէնի պաշտօնը:[1]
1990-ին կը նշանակուի Միացեալ Նահանգներու մէջ Քալիֆորնիա նահանգի ժողովրդապետ եւ ան այս պաշտօնը կը վարէ մինչեւ 2006:[1][3]
Ան եղած է «Armenian Alliance» բարեգործական հիմնադրամի գլխաւոր հիմնադիր անդամներէն մէկը, որուն հովանաւորութեամբ Հայաստանի մէջ կ'իրականացուին բազմաթիւ մարդասիրական եւ բարեգործական ծրագիրներ: Հայր Ռաֆայէլ Մինասեան Կլենտէյլի մէջ կը ձեռնարկէ հայ կաթողիկէ Ս. Գրիգոր Լուսաւորիչ եկեղեցւոյ կառուցման, որուն օծումը տեղի կ'ունենայ 2001-ին` ի յիշատակ Հայաստանի մէջ քրիստոնէութեան ընդունման 1700-ամեակին:[1]
Սեպտեմբեր 2005-ին Ներսէս Պետրոս ԺԹ. կաթողիկոս պատրիարքը Ռաֆայէլ վրդ. Մինասեանը կ՛անուանէ պատրիարքական փոխանորդ Երուսաղէմի եւ Ամմանի փոխանորդութեան: Նոյն տարին, ան Իտալիոյ մէջ կը հիմնէ «Թելէ Փաչէ» պատկերասփիւռի կայանը:[1][3]
2009-ին Երուսաղէմի Հայ կաթողիկէ համալիրին մէջ գտնուող Քրիստոսի Խաչի ճանապարհի 4-րդ կայանին մէջ հայր Ռաֆայէլ կը հաստատէ Սուրբ Հաղորդութեան մնայուն երկրպագութիւնը, որուն շարունակականութիւնը կ'ապահովուեն Սուրբ Պօղոսի միաբանութեան քոյրերը:[1]
24 Յունիս 2011-ին Պենետիկտոս ԺԶ. սրբազան քահանայապետի յատուկ պապական կոնդակով, Հ. Ռաֆայէլ Մինասեան կ'արժանանայ եպիսկոպոսական կարգի իբրեւ նոր նշանակուած տիտղոսաւոր արքեպիսկոպոս կապադովկեան Կեսարիոյ հայոց եւ առաջնորդ Հայաստանի, Վրաստանի, Ռուսիոյ եւ Արեւելեան Եւրոպայի կաթողիկէ հայոց:[2] Եպիսկոպոսական ձեռնադրութիւնը տեղի կ'ունենայ 16 Յուլիս 2011-ին Պէյրութի Ս. Գրիգոր Լուսաւորիչ – Ս. Եղիա աթոռանիստ եկեղեցւոյ մէջ` ձեռամբ Ներսէս Պետրոս ԺԹ. կաթողիկոս պատրիարքին, ներկայութեամբ Վատիկանի Արեւելեան եկեղեցիներու ժողովի կառավարիչ կարդինալ Լէոնարտօ Սանտրիին:[1][4] 7 Օգոստոս 2011-ին, Շիրակի մարզի Արեւիկ գիւղի Ս. Գրիգոր Լուսաւորիչ եկեղեցւոյ մէջ տեղի կ'ունենայ Ռաֆայէլ արք. Մինասեանի գահակալութեան արարողութիւնը:[1]
23 Սեպտեմբեր 2021-ին Ռաֆայէլ արք. Մինասեանը կը դառնայ Տանն Կիլիկիոյ կաթողիկէ հայոց ԻԱ. կաթողիկոս պատրիարք` առնելով գերերջանիկ Ռաֆայէլ Պետրոս ԻԱ. Մինասեան անունը:[5]
Տե՛ս նաեւ
Ծանօթագրութիւններ
- ↑ 1,0 1,1 1,2 1,3 1,4 1,5 1,6 1,7 1,8 «Ռաֆայէլ Արք. Մինասեան Ընտրուեցաւ Տանն Կիլիկիոյ Կաթողիկէ Հայոց Կաթողիկոս Պատրիարք»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2021-09-23։ արտագրուած է՝ 2021-10-28
- ↑ 2,0 2,1 2,2 «RINUNCE E NOMINE»։ press.vatican.va։ արտագրուած է՝ 2021-10-28
- ↑ 3,0 3,1 «Fr. Raphael Archbishop Minassian» (անգլերեն)։ արտագրուած է՝ 2021-10-28
- ↑ «Patriarch Raphaël Bedros XXI Minassian [Catholic-Hierarchy]»։ www.catholic-hierarchy.org։ արտագրուած է՝ 2021-10-28
- ↑ «Minassian: il Libano soffre, mi metto a servizio per curarne i bisogni - Vatican News»։ www.vaticannews.va (իտալերեն)։ 2021-10-24։ արտագրուած է՝ 2021-10-28