Լեւոն Մեսրոպ

Լեւոն Մեսրոպ
Ծննդեան անուն	Լեւոն Մեսրոպեան
Ծնած է	1880
Ծննդավայր	Կոստանդնուպոլիս
Մահացած է	1960
Մահուան վայր	Փարիզ
Ազգութիւն	Հայ
Ուսումնավայր	Ազգային Կեդրոնական Վարժարան
Տեսակ	պատմուածք եւ Հեքիաթ
Մասնագիտութիւն	Գրագէտ, բանաստեղծ

Լեւոն Մեսրոպ (Մեսրոպեան) է (1880, Կոստանդնուպոլիս - 1960, Փարիզ), հայ գրող, բանասէր եւ հասարակական-մշակութային գործիչ։

Կենսագրութիւն

• Կոստանդուպոլսոյ մէջ ստացած է կրթութիւնը (1904ին աւարտած Ռոպերթ Քոլէճը):
• Եւրոպա մեկնած, ապա պատերազմէն ետք վերջնականապէս Փարիզ հաստատուած, զբաղած է նախ՝ գորգի առեւտուրով, յետոյ վերջնականապէս նուիրուած է գրականութեան։ Ֆրանսահայ մամուլին եւ Միացեալ Նահանգներու «Հայրենիք» ամսագրին մէջ՝ հրապարակած է վիպակներ, բանասիրական աշխատանքներ, վէպեր, որոնցմէ անջատ հատորով լոյս տեսած են «Զարի», «Հաշիշին», «Քերպելայի գիշերները» եւ այլն։ Ինչպէս եւ թատերակներ՝ «Մատաթ Րէիս», «Օտարականը», «Շամիրամ Երկրորդ»:
• Ուսումնասիրութիւններէն եւ ժողովածուներէն՝ «Քիւրտիստան եւ Քիւրտերը», «1915 - Աղէտ եւ Վերածնունդ», «Տէր-Զօր»՝ մեծ մասամբ կ'արտացոլացնեն հեղինակին խոր շահագրգռութիւնը հայկական ցեղասպանութեան հիմնահարցին հանդէպ։
• Պարսկերէնէ հայերէն թարգմանած է Օմար Խայյամի քառեակները («Օմար Խայյամ», 1923)։
• 1946 թուականին եւ 1954 թուականին մասնակցած է Հայաստանի գրողներու համագումարներուն։
• Լեւոն Մեսրոպ կը մահանայ 1960ին, Փարիզի մէջ։
• «Ֆրէտ Հարթման եւ Տատա Ռօսթէմ» հրատարակուած է «Հայրենիք» ամսագրին մէջ (1937ի Օգոստոսէն սկսեալ): Իբր թերթօն վերահրատարակուած է «Ազդակ»ի մէջ, 1988-1989ին:

Երկեր

• «Կախարդող Լեռը», Ե․, 1955:

Աղբիւրներ

• «Ֆրէտ Հարթման եւ Տատա Ռօսթէմ», Լեւոն Մեսրոպ, Համազգայինի «Վահէ Սէթեան» հրատարակչատուն։
• «Կենսագրական Բառարան», Գառնիկ Ստեփանեան, Գ. Հատոր, Երեւան, 1990:

Կատեգորիա:Հայ գրականութիւն Կատեգորիա:Հայ բանասէրներ Կատեգորիա:Հայ հասարակական գործիչներ Կատեգորիա:1880 ծնունդներ (արւմտ․) Կատեգորիա:1960 մահեր Կատեգորիա:Հայ մշակութային գործիչներ (արւմտ․) Կատեգորիա:Կոստանդնուպոլիս ծնածներ Կատեգորիա:Փարիզ մահացածներ