Ռուբէն Նաքեան

Ռուբեն Նաքեան
Պատկեր:Reubian Nakian.jpg
Ծնած է	10 Օգոստոս 1897
Ծննդավայր	Նիւ Եորք
Մահացած է	4 Դեկտեմբեր 1986
Մահուան վայր	Սթենֆորդ
Քաղաքացիութիւն	Ամերիկայի Միացեալ Նահանգներ
Ազգութիւն	հայ
Կրօնք	Քրիստոնիա
Ուսումնավայր	Նիւ Եորքի արուեստի ուսանողական լիկա
Մասնագիտութիւն	Քանդակագործ
Անդամութիւն	Արուեստի եւ գրականութեան ամերիկեան ակադեմիա

Ռուբէն Գէորգ Նաքեան (անգլերէն՝ Reuben Nakian, 10 Օգոստոս, 1897, Նիւ Եորք, Ամերիկայի Միացեալ Մահանգներ – 4 Դեկտեմբեր, 1986, Սթամֆորտ, Քնեքթիքութ), հայ քանդակագործ։

Կենսագրութիւն

1912-1915-ին` սորված է Նոր-Եորքի Ազատ արուեստներու դպրոցին մէջ, Գեղեցիկ արուեստներու ակադեմիոյ մէջ։

Ստեղծագործական Գործունէութիւն

Սկզբնական շրջանին ստեղծած է անիմալիստական գործեր`

• «Ցուլը եւ կովը»
• «Հորթը»
• «Փոկը»

1930 թուականին մասնակցած է «33 մոդեռնիստներ» ցուցահանդեսին։ Մէկ տարի ետք հանդիպած է Արշիլ Կորքիին, որ մեծ ազդեցութիւն ձգած է Նաքեանի գեղագիտական սկզբունքներու կողմնորոշման եւ հաստատման վրայ։

Ստեղծած է անուանի արուեստագետներու եւ քաղաքական գործիչներու դիմաքանդակներ, Աստուածաշունչի եւ դիցաբանական թեմաներով հորինուածքներ՝

• «Վեներայի ծնունդը»
• «Լեդան եւ կարապը»
• «Սալոմէի պարը»
• «Նիմփէն եւ դելֆինները»
• «Պարուհի»
• «Սատիրիկոն» (քանդակաշար)
• «Աստուածներու պարտէզը» (քանդակաշար)

Անոր «Խաչէն իջեցնելը» մոնումենտալ քանդակը՝ Մեծ եղեռնին նուիրուած յուշակոթողը (պրոնզափառ գիպս, 1972), դրուած է Նոր-Եորքի Սուրբ Վարդան եկեղեցիին մէջ։

Նաքեանի աշխատանքներուն (առաւելապէս պրոնզափառ թրծակաւով) բնորոշ է դասական աւանդոյթներու, էքսպրեսիոնիզմի եւ սիւրռեալիզմի տարրերու ազատ համադրումը։

1972 թուականին ընտրուած է «Արուեստի եւ գրականութեան Ազգային ակադեմիոյ» անդամ, իսկ 1973-ին Պրիճփորթի համալսարանը (Քնեքթիքութ) անոր շնորհուած է պատուաւոր տոքթորի կոչումը։ Գործերը կը պահուին ԱՄՆ-ի թանգարաններուն մէջ:

Ցուցահանդեսներ

1920-ականներէն Նաքեանի ստեղծագործութիւնները ներկայացուած են ցուցահանդեսներուն մէջ։ Առաջին անհատականը տեղի ունեցած է 1926-ին Նոր-Եորքի «Ուիթնի Սթուտիո-Քլապի մէջ», «Տաունթաուն» եւ «Կրանտ Սենթրալ» պատկերասրահներուն մէջ։ Ցուցադրուած է Շիքակոյի «Արուեստի հիմնարկին» եւ Նոր-Եորքի «Արդի արուեստի» եւ «Ուիթնի» թանգարաններուն մէջ։ Քանդակագործութեան ասպարէզին մէջ Միացեալ Նահանգները ներկայացուցած էն 1961 թուականին Սան Փաուլույի (Պրազիլ) 6-րդ պիէնալէի մէջ, իսկ 1968-ին՝ Վենետիկի 34-րդ պիենալեի մէջ։

Ցուցահանդէսներ ունեցած են Լոս Անճելըսի (Քալիֆորնիա), Ուաշինկթընի, Սթամֆորտի եւ Կրինիչի (Քնեքթիքութ), Ֆիլատելֆիոյ (Փենսիլուանիա), Չիքակոի (Իլինոյս), Հիւսթընի (Թեքսաս), Միլուոքիի (Վիսքոնսին), Փարիզի, Լիզպոնի, Տրեզտէնի եւ Շաումպերկի մէջ։

Արտաքին Յղումներ

• Հարցազրոյց Ռուբէն Նակեանի հետ

Կատեգորիա:1897 ծնունդներ Կատեգորիա:10 Օգոստոսի ծնածներ Կատեգորիա:1986 մահեր Կատեգորիա:4 Դեկտեմբերի մահացածներ Կատեգորիա:Հայ քանդակագործներ (արւմտ․)