Խինկալի

Խինկալի; ხინკალი
Ենթատեսակ	դամփլինգ?
Առաջացման երկիր	Վրաստան
Բաղադրամասեր
Հիմնական	խմոր, համեմուած միս

Խինկալի (վրաց.՝ ხინკალი), վրացական խոհանոցի ազգային ուտեստ^[1]^[2], որ յառաջացած է Վրաստանի Փեշաւի, Մթիուլեթի եւ Խեւսուրեթի լեռնային մարզերուն մէջ^[3], այնուհետեւ ճաշատեսակը տարածուած է Կովկասի միւս շրջաններուն մէջ^[4]։

Վրացական խինկալին բաղադրութեամբ եւ պատրաստման եղանակով էապէս կը տարբերուի Տաղստանի խինկալիէն, որն իրմէ կը ներկայացնէ բոլորովին այլ ուտեստ մը։

Ուտեստի բաղադրութիւնը[Խմբագրել | Խմբագրել աղբիւրը]

Խինկալին (ինչպէս եւ թաթար պորաքին) կը պատրաստուի խմորէն (ալիւր, աղ, ջուր)՝ հաւկիթով կամ առանց հաւկիթի օգտագործման։ Խինկալիին խճողակը (լցօնը) ծեծած կամ աղացած եւ համեմուած միսն է (տաւարի, խոզի, հազուադէպ ոչխարի միս)։ Երբեմն կ՛օգտագործուի սունկ կամ պանիր, գետնախնձոր, կանաչեղէն եւ համեմներ (գինձ, սոխ, սխտոր, ազատքեղ, չաման, անանուխ)։ Համեմունքներու որոշ տեսակներ կը պատրաստուին այնպիսի խոտաբոյսերէ, որ կ՛աճին միայն Վրաստանի մէջ։