The Tell-Tale Heart

Jump to navigation Jump to search

Կաղապար:Տեղեկաքարտ Գիրք

The Tell-Tale Heart-ը, պատմուածք մըն է, գրուած Էտկար Ալլան Փոյին կողմէ: The Tell-Tale Heart-ը առաջին անգամ հրատարակուեցաւ 1843 թուականին The Pioneer հրատարակչութեան կողմէ։ Այս կարճ պատմութիւնը կը խօսի անձի մը մասին որ իր ճիգերով կը փորձէ ընթերցողին հասկցնել իր 'ողջմտութեան' մասին, միաժամանակ բացատրելով թէ ինք ինչպէս ծերունի մը սպաննեց:

Փոյին բացատրութեամբ, զոհը՝ (այսինքն ծերունին) ունէր անգղ աչք մը որ կը նեղացնէր պատմիչին: Այս պատճառով, ան զգուշ ձեւով կ'որոշէ սպաննել ծերունիին, եւ անոր մարմինը անդամահատելով, զայն կը պահէ յատակին տախտակներուն տակ: Ի վերջոյ պատմիչը յանձաւոր կը զգայ, եւ կը սկսի լսել (կամ երեւակայել) ծերունիին սիրտին տրոփումները յատակին տակէն:

Այս պատմութիւնը հրատարակուեցաւ Յունուար, 1843 թուականին, The Pioneer հրատարակչութեան կողմէ: The Tell-Tale Heart-ը կը նկատուի Անգլերէն գրականութեան ամէնէն նշանաւոր եւ յաջող գործերէն մէկը: Ինչպէս նաեւ Փոյին ամէնէն կատարեալ պատմութիւններէն մէկը:

Պատմութեան մէջ, հստակ չէ թէ ինչէ ծերունիին եւ պատմիչին յարաբերութիւնը: Պատմիչը կ'ուարանայ ունենալ ատելութեան զգացումներ ծերունիին հանդէպ, ըսելով թէ ծերունին երբեք վնաս չէ հասցուցած իրեն: Պատմիչը նաեւ անոր չսպաննեց անձնական գոհունակութեան համար, այլ իր անգղ աչքին համար որ ըստ պատմիչին, այդ կը ներկայացնէ գէշ ուժ մը:

Նիւթը[Խմբագրել | Խմբագրել աղբիւրը]

Գծագրութիւն Հէրի Քլարքին կողմէ, 1919 թուականին:

The Tell-Tale Heart պատմութիւնը, պատմուած է առաջին դէմքով անծանօթ պատմիչի մը կողմէ,[1] որ կը հաստատթէ թէ ինք ողջամիտ եւ առողջ է, սակայն կը տառապի հիւանդութիւն է մը: Այդ ծերունին որ իր հետ կ'ապրի, ունի գունատ կապոյտ աչք մը, որ այնքան կը նեղացնէ պատմիչին մինչեւ ան կ'որոշէ սպաննել ծերունին: Պատմիչը մի քանի անգամ կը շեշտէ թէ ան կը սիրէ ծերունին, միայն չսիրէր անոր աչքը: Պատմիչը կ'ըսէ թէ իր զգուշութեամբ կազմակերպուած ծրագիրը ծերունիին սպաննելու համար շատ խելացի եւ մանրամասնուած ծրագիր մըն է, թէ անկարելի է իրեն խելագար ըլլաը: 7 օր ամէն գիշեր, պատմիչը ծերունիին սենեակին դուռը կը բանայ եւ տեսնելով թէ անոր անգղ աչքը միշտ գոց է, կը մերժէ անոր սպաննել:

8-րդ գիշերը, ծերունին կ'արթննայ երբ որ աղմուկ մը կը լսէ: Պատմիչը չտատամսիր, եւ մի քանի վայրկեան ետք, բարակ լոյսի մը միջոցով ան կը նշմարէ ծերունիին անգղ աչքը որ բացէ: Ան կը սկսի լսելու ծերունիին բարձր ու վախով լեցուն սիրտին տրոփումները ու անմիջապէս կը յարձակի անոր վրայ, ու այդպէս կը սպաննէ:

Ան շուտով անդամահատելով ծերունիին մարմինը, զայն կը դնէ անոր սենեակին գետնի տախտակներուն յատակին տակ եւ կը մնայ ոչ մէկ փաստ ծերունիին մահուան համար: Սակայն, դրացիները տարօրինակ աղմուկներ լսելով, կը կանչեն ոստիկաններուն եւ մի քանի վայրկեաններ ետք 3 ոստիկաններ կը հասնին պատմիչին տունը: Պատմիչը անոնց կը տանի ծերունիին սենեակը, որուն յատակին տակ կը գտնուի անոր մարմինը եւ բոլորը մէկ կը նստին այդ սենեակին մէջ: Ոստիկանները տեսնելով պատմիչին հանդարտ եւ խաղաղ վարուելակերպը, ոչ մէկ բան կը կասկածին:

Մի քանի վայրկեաններ ետք, պատմիչը կը սկսի յանձաւոր զգալ եւ տարօրինակ ձայն մը կը լսէ: Երբ ձայնը աւելի կը բարձրանայ, պատմիչը եզրակացութեան կը հասնի թէ այս ձայնը ծերունիին սիրտին տրոփումներն են: Ձայնը աւելի կը բարձրանայ, սակայն ոստիկանները ոչ մէկ բան կը նկատեն:

Վախնալով այս ձայներէն, ու կարծելով թէ ոստիկաններն ալ այդ մէկը կը լսեն, պատմիչը չդիմանալով իր յանձանքին կը խոստովանի ծերունիին մահին մասին ու յատակը կոտրելով ցոյց կու տայ անոր մարմինը:

Հրատարակչութեան պատմութիւն[Խմբագրել | Խմբագրել աղբիւրը]

"The Tell-Tale Heart" պատմութիւնը The Pioneer: A Literary and Critical թերթիկին մէջ, էջ 29

The Tell-Tale Heart-ը առաջին անգամ հրատարակուեցաւ Յունուար, 1843 թուականին, The Pioneer անունով թերթիկի մը կողմէ: Փոն պիտի ստանար $10 իր պատմութեան համար[2][3]: Պատմութիւնը կրկին հրատարակուեցաւ 23 Օգոստոս, 1845 թուականին Broadway թերթիկին մէջ[3]: The Tell-Tale Heart-ը մի քանի անգամներ թողարկուեցաւ Փոյին կեանքին ընթացքին[4]:

Անգլերէն գրականութիւն[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. Due to the ambiguity surrounding the identity of the story's narrator, that character's sex cannot be known for certain. However, for ease of description masculine pronouns are used in this article.
  2. Silverman, Kenneth. Edgar A. Poe: Mournful and Never-ending Remembrance. New York: Harper Perennial, 1991. ISBN 0-06-092331-8, p. 201.
  3. 3,0 3,1 Moss, Sidney P. Poe's Literary Battles: The Critic in the Context of His Literary Milieu. Southern Illinois University Press, 1969. p. 151
  4. «"The Tales of Edgar Allan Poe" (index)»։ eapoe.org։ The Edgar Allan Poe Society of Baltimore։ September 30, 2007։ Վերցված է 2007-11-05 

Արտաքին յղումներ[Խմբագրել | Խմբագրել աղբիւրը]