Crag Hotel
Crag Hotel կամ Քրակ Պանդոկ կամ Քրակ Հիւրանոց լքուած պանդոկ մըն է եւ նախկին դպրոցական շէնք՝ Պենանկ Լեռան հիւսիսային եզրին, Մալայզայի մէջ։
Պատմութիւն
[Խմբագրել | Խմբագրել աղբիւրը]Պանդոկ/հիւրանոց
[Խմբագրել | Խմբագրել աղբիւրը]Բուն վայրը առաջին անգամ բնակուած էր Ուիլիամ Քլապլի անունով մարդու մը կողմէ 1845-ին եւ հաւանաբար անձնական բնակարան էր։[1][2] 1850-ականներուն սկիզբին, օգտագործուած էր որպէս բժշկատուն։ 1896-ին, Ճան Ու. Քէրր, Արեւելեան Հնդկական Ընկերութեան աշխատակից,[3] վարձակալութիւնը ստանձնեց եւ բազմաթիւ բարելաւումներ կատարեց տեղին, «Քրակ» անուն տալով անոր,[4] եւ այն դարձաւ հանրաճանաչ ապաստարան Ճորճ Թաունի եւ Պենանկ կղզիին բնակող եւրոպացիներուն համար՝ որպէս տեղ փախչելու ներքին ծովեզերքային շրջաններու ծանր տապն ու խոնաւութենէն։[5] 1880-ականներուն վերջին, վարձակալութիւնը ստանձնուեցաւ չորս հայ գաղթականներու կողմէ՝ Սարգիս եղբայրներ, եւ փոքր նորոգումներէ ետք վերածուեցաւ հյուրանոցի մը որ պարծենար ինը բունկալով։[6][3] Հյուրանոցը բարգաւաճեց մինչեւ Առաջին Աշխարհամարտին պայթիւնը, երբ ծախուեցաւ գաղութական կառավարութեան։[2] Թէեւ դեռ կառավարուէր Սարգիս եղբայրներու կողմէ, 1925-ին փոխանցուեցաւ Դաշնակցուած Մալայական Պետութիւններու Երկաթուղիին։[2]Հյուրանոցին մեծ մասը ամբողջովին վերակառուցուեցաւ 1930-ին, եւ շարունակեց գործել մինչեւ Երկրորդ Աշխարհամարտը, երբ գրաւուեցաւ օկուպացուող ճապոնական բանակին կողմէ,[3] որ վերածեց անոր բանտի մը՝ բրիտանական գերիներուն համար։[6] Քրակ Հյուրանոցը վերաբացուեցաւ 1947-ին բայց նախկինի չափ հանրաճանաչ չէր, եւ վերջապէս փակեց իր դռները 1954-ին։[1]
Դպրոց
Պատերազմէն ետք, շէնքը անօգտագործելի մնաց մի քանի տարիներ, մինչեւ որ վարձակալուեցաւ Ափլենտս Դպրոցին 1955-ին։ Երբ դպրոցը տեղափոխուեցաւ նոր տեղ մը 1977-ին, շէնքները լքուեցան։[2][3]
Շարժանկարի նկարահանումի հրապարակ
Տեղը դարձաւ նկարահանման տեղ 1992-ին Ռեժիս Վարկնիերի «Ինտոշին» ֆիլմին համար, որուն մէջ գլխաւոր դերակատար էր Քաթրին Տընյով։ Նաեւ օգտագործուեցաւ 2015-2016 BBC Channel 4 հեռուստատեսային «Indian Summers» շարքին համար։[3]
Ներկայ վիճակ
Բազմաթիւ փորձեր կատարուած են արտասահմանեան հյուրանոցային շղթայի մը ուշադրութիւնը գրաւելու Քրակ Հյուրանոցի տեղը նորոգելու համար, բայց 2025 Յունուարէն սկսեալ, այն շարունակած է աւերակներու մէջ մնալ։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 Hockton Keith (1 August 2017)։ Penang (Second հրտրկթն․)։ MPH Publishing։ ISBN 9789674154325
- ↑ 2,0 2,1 2,2 2,3 «Crag Hotel, Penang Hill»։ penangseaview.com։ 6 June 2019։ արտագրուած է՝ 3 January 2025
- ↑ 3,0 3,1 3,2 3,3 3,4 «Craig Hotel: Abandoned Film Set in Penang»։ amyscrypt.com։ 24 April 2019։ արտագրուած է՝ 3 January 2025
- ↑ «Crag Hotel, Penang Hill»։ penangseaview.com։ 6 June 2019։ արտագրուած է՝ 3 January 2025
- ↑ Hockton Keith (1 August 2017)։ Penang (Second հրտրկթն․)։ MPH Publishing։ ISBN 9789674154325
- ↑ 6,0 6,1 «Bond of Brothers — the First Asian Hotel Chain»։ famoushotels.org։ արտագրուած է՝ 3 January 2025