Ֆրիտրիշ Հէօլտէրլին
Ֆրիտրիշ Հէօլտէրլին կամ Ֆրիտրիխ Հէօլտէրլին գերմանացի բանաստեղծ։[1]
Կենսագրութեան ժամանակագրութիւն
[Խմբագրել | Խմբագրել աղբիւրը]- 1770 - Մարտ 20-ին Նեքարի Լաուֆենի մէջ՝ ծնունդ։ Երկու տարեկանին կը կորսնցնէ հայրը։ Ընտանիքը 1774 թուականին կը փոխադրուի Նիւրթինկըն, ուր մայրը երկրորդ անգամ կ'ամուսնանայ։
- 1776 - Կը սկսի դպրոց յաճախել։ Միաժամանակ մասնաւոր դասեր կ'առնէ՝ պատրաստուելով Վիւրթեմպերկի աւետարանական եկեղեցական դպրոց ընդունուելու։ Երեք տարի ետք կը մահանայ նաեւ խորթ հայրը։
- 1784 - Կ'ընդունուի Տենքենտորֆի եկեղեցիի հոգեւոր ճեմարանի ստորին դասարանը։ Կը ծնին առաջին բանաստեղծութիւնները։
- 1786 - Իր դասարանին հետ կը փոխադրուի Մաուլպրոնի եկեղեցիի բարձր դասարանը։ Առաջին սիրահարութիւնը Լուիզ Նասթին՝ եկեղեցիի տեսուչին աղջկան, որուն հետ կը նշանուի, սակայն 1789 թուականին կը լուծէ նշանադրութիւնը։
- 1787 - Կը ներշնչուի Օսսիանով։ Մաուլպրոնի մէջ կը սկսի կարդալ Քլոփշթոքը, Շիլլերը, Շուպարթը, Վիլանտը։ Յաջորդ տարի կը կատարէ մեծ ճամբորդութիւն գերմանական հողերու վրայ։ Առաջին անգամ կը տեսնէ Հռենոսը։ Դասարանին հետ կը փոխադրուի Թիւպինկենի վանքը։ Շթութկարթի վանքի աշակերտներէն մէկն է Գէորկ Վիլհելմ Ֆրիտրիխ Հեկել։ Հոս կը սկսի բարեկամութիւնը Քրիստիան Լուտվիկ Նոյֆերի եւ Ռուտոլֆ Մակենաուի հետ։ Կը ներառուի անոնց բանաստեղծական միութեան մէջ։
- 1789 - Կ'այցելէ բանաստեղծ Քրիստիան Ֆրիտրիխ Շուպարթին։ Աշնան ֆլէյթայի դասեր կ'առնէ (դաշնամուր նուագելը սկսած էր տարիներ առաջ)։ Կ'որոշէ իրաւագիտութիւն ուսանիլ։
- 1790 - Կը յանձնէ մակիստրատուրայի քննութիւնները եւ կը փակէ փիլիսոփայութեան եւ բանասիրութեան նուիրուած երկու ուսանողական տարիները։ Հոկտեմբերին Շթութկարթի մէջ կը հանդիպի բանաստեղծ, հրապարակախօս եւ հրատարակիչ, ֆրանսական յեղափոխութեան ջերմ պաշտպան Կոթհոլտ Ֆրիտրիխ Շթոյտլինին։ Կը տպագրուին առաջին բանաստեղծութիւնները «1792 թուականի Մուսաներու ալմանախ»-ին մէջ։ 15 տարեկանին հոգեւոր ճեմարան կու գայ Ֆրիտրիխ Շելլինկը, որուն Հէլտըրլին ծանօթ էր արդէն Նիւրթինկենի լատիներէն դպրոցէն։ Տարեվերջին սիրահարուած է Էլիզ Լեպրերին։
- 1791 - Ապրիլին ընկերներուն՝ Քրիստիան Հիլլերի եւ Ֆրիտրիխ Մեմինկերի հետ կը ճամբորդէ Զուիցերիոյ մէջ։ Ցիւրիխի մէջ կ'այցելէ նշանաւոր մտածող, դիմագիտութեան հիմնադիր Յոհան Լաֆաթերին։
Ծանօթագրութիւններ
[Խմբագրել | Խմբագրել աղբիւրը]- ↑ Beiser Frederick C. (1993-01-29)։ The Cambridge Companion to Hegel (անգլերեն)։ Cambridge University Press։ ISBN 978-1-139-82495-8