Ֆութպոլ

Jump to navigation Jump to search
Ֆութպոլ
La mejor Hinchada de Futbol Argentino.jpg

Ֆութպոլը (նաեւ արեւմտահայերէն՝ ոտնագնդակ) մարզաձեւ, աշխարհի ամենատարածուած եւ ամենասիրուած խաղերէն մէկն է։ Ան խմբային խաղ է, ուր խումբին 11 ֆութպոլիստները նախապէս համաձայնուած գործողութիւններով կը փորձեն գրաւել հակառակորդ խումբին դարպասը եւ պաշտպանել իրենցը։

Ֆութպոլը կը խաղան բնական կամ արհեստական խոտածածկ դաշտի մը մէջ։ Խաղադաշտը նշանագծուած ուղղանկիւն հրապարակ է։ Դաշտի մը առաւելագոյն երկարութիւնը պէտք է ըլլայ 109.88 մեթր, իսկ առաւելագոյն լայնութիւնը՝ 90.728 մեթր։ Երբեմն պաշտօնական խաղերուն համար կ'օգտագործեն 100-100 X69-75 մեթր չափի դաշտ։ Աշխարհի ամենամեծ Ֆութպոլային մարզադաշտը Մայ Դայ Ստատիոնն է, Հիւսիսային Քորէայի մէջ, ուր կրնայ գտնուիլ մինչեւ 150,000 հանդիսաւոր։

Ֆութպոլի օրէնքները[Խմբագրել | Խմբագրել աղբիւրը]

Գնդակին շրջագիծը 680-711 մմ. է, եւ զանգուածը՝ 396-453 կր., իսկ դարպասին բարձրութիւնը 2,44 մ. է եւ լայնութիւնը՝ 7,32 մ.։

Խաղին օրէնքները՝

  • Արգիլուած է ոտքով հարուածել կամ հրել մրցակիցին։
  • Արգիլուած է իրարու ձեռքով փոխանձել եւ գնդակին խաղի ընթացքին, առանց որեւէ պատճառի։
  • Խաղցողներուն արգիլուած է հագուիլ մեխեր, երկաթի թիթեղներու կամ պինդ ռետինէ կօշիկներ՝ կօշիկներուն մէջ կամ կօշիկներուն վրայ։
  • Առանձին ֆութպոլային խաղը բաղկացած է երկու խաղակէսերէ՝ իւրաքանչիւրը 45 վայրկեան։ Խաղակէսերուն միջեւ կայ 15 վայրկեանի դադար մը։
  • Խաղը կը նեռարէ երկու կողմերու խումբերը՝ իւրաքանչիւրը ընդգրկելով 11 խաղցող։