Օսման Քաւալա
| Օսման Քաւալա թրք.՝ Mehmet Osman Kavala | |
|---|---|
 | |
| Ծննդեան անուն | թրք.՝ Mehmet Osman Kavala |
| Ծնած է | 2 Հոկտեմբեր 1957 (67 տարեկան) |
| Ծննդավայր | Փարիզ, Ֆրանսա |
| Քաղաքացիութիւն |
.svg){kind=small} Ֆրանսա Թուրքիա |
| Մայրենի լեզու | թրքերէն |
| Ուսումնավայր |
Ռոպերթ Գոլէճ Մանչեսթըրի Համալսարան |
| Մասնագիտութիւն | գործարար, մեկենաս, իրաւապաշտպան, ձեռնարկատէր, բարեգործ |
| Աշխատավայր | «Անատոլու Քուլթիւր» |
Օսման Քաւալա (2 Հոկտեմբեր 1957, Փարիզ, Ֆրանսա), թուրք հասարակական գործիչ, գործարար, «Անատոլու Քուլթիւր» հասարակական կազմակերպութեան հիմնադիր նախագահ, յառաջդիմական «Իլեթիշիմ» հրատարակչութեան, «Պիրիկիր» ամսագիրի սեփականատէր[1]։
Ան ընդունած է Հայոց Ցեղասպանութիւնը եւ հայկական մշակոյթը ներկայացնող ձեռնարկներ կազմակերպած է: Պաշտպանած է Թուրքիոյ հայկական եւ միւս փոքրամասնութիւնները։
Քաւալան 2010-էն ի վեր իւրաքանչիւր Ապրիլ 24-ին Հայոց ցեղասպանութեան նահատակներու ոգեկոչման ձեռնարկներու հիմնական կազմակերպիչը եղած է[1]:
2013-ի ամրան մասնակցած է «Կեզի» զբօսայգիին մէջ տեղի ունեցած հակակառավարական ցոյցերուն եւ բանտարկուած է 2017 թուականի Դեկտեմբերին[2], որմէ ետք բազմաթիւ թրքական եւ միջազգային իրաւապաշտպան կազմակերպութիւններ բողոքած են անոր բանտարկութեան դէմ՝ պահանջելով, որվերջ տրուի անոր ապօրինի բանտարկութեան։
Քաւալա անակնկալօրէն ազատ արձակուեցաւ, 840 օրեր բանտարկուելէ ետք, սակայն, միայն քանի մը ժամ ետք, Պոլսոյ դատախազութիւնը որոշեց դարձեալ ձերբակալել Քաւալան, ոտնակոխելով դատարանին որոշումը։
Ան 24 ապրիլ 2016-ին այցելած է Հայաստան` յարգանքի տուրք մատուցելով Հայոց ցեղասպանութեան զոհերու յիշատակին[3]:
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 «Պոլսոյ Օդակայանին Մէջ Ձերբակալուած Է Օսման Քաւալան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-10-20։ արտագրուած է՝ 2022-01-25
- ↑ «ժամանակ»։ www.jamanak.com։ արտագրուած է՝ 2022-01-25
- ↑ «Եւրոպայի Հայ Դատի Գրասենեակը Կը Դատապարտէ Օսման Քաւալայի Ձերբակալութիւնը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-11-08։ արտագրուած է՝ 2022-01-25