Օննիկ Սիւրմէլեան (ջութակահար)
| Օննիկ Սիւրմէլեան | |
|---|---|
| Ծնած է | 1905 |
| Ծննդավայր | Տրապիզոն, Օսմանեան Կայսրութիւն |
| Մահացած է | 3 Հոկտեմբեր 1994 |
| Մահուան վայր | Փարիզ |
| Ուսումնավայր | Վիեննայի Երաժշտութեան եւ Կատարողական Արուեստի Համալսարան |
| Մասնագիտութիւն | դաշնակահար, խմբավար և ջութակահար |
Օննիկ Սիւրմէլեան (1905, Տրապիզոն, Օսմանեան Կայսրութիւն - 3 Հոկտեմբեր 1994, Փարիզ), հայ երաժիշտ, ջութակահար։ Երէց եղբայրը՝ Լեւոն Զաւէն Սիւրմէլեանին։
Կեանք եւ գործունէութիւն
[Խմբագրել | Խմբագրել աղբիւրը]Ծնած է Տրապիզոն[1]։ Իր ծնողները եւ իր գերդաստանէն շատեր զոհ գացած են թրքական ցեղասպանութեան, Համաշխարհային Առաջին պատերազմին։
Ան իր նախնական կրթութիւնը ստացած է տեղի Ազգային եւ Մխիթարեան վարժարաններէն։ Երկրորդական ուսումը ստացած է Պոլսոյ Կերդոնական վարժարանին մէջ։
Երաժշտութեան եւ մանաւանդ ջութակի մասնագիտութիւնը կատարելագործած է Վիեննայի ազգային երաժշտանոցին մէջ (1926)։
1940-ին հաստատուած է Լիբանան, ուր երկար տարիներ երաժշտութեան եւ ջութակի դասաւանդութեան գործունէութիւն մը ունեցած է։ Իր աշակերտներէն եղած են անուանի ջութակահարներ (հայ, արաբ, յոյն, հրէայ), լաւագոյններէն են Միհրան եւ Վարուժան Գոճեանները, Սարգիս Խարտալեանը, ամերիկացի Ճէնիս Պաթիր եւ ուրիշներ։
Պէյրութի մէջ հիմնադրած է «Կոմիտաս» քառեակը եւ «Լիբանանեան» եռեակը, որոնց հետ համերգներով շրջագայած է Լիբանան, Սուրիա, Իրաք, Իրան, Հարաւային Ամերիկա եւ այլուր։
Ծանօթագրութիւններ
[Խմբագրել | Խմբագրել աղբիւրը]- ↑ «Ջութակ | Ակօս»։ Agos։ 2022-01-26։ արտագրուած է՝ 2025-06-20