Քրեմասթոն լիճ

Քրեմասթոն լիճ (յուն․՝ Λίμνη Κρεμαστών)․ Յունաստանի ամենամեծ արուեստական լիճն է։ Ստեղծուած է 1965-ին, Քրեմասթոն ջրամբարի կառուցումէն եւ Ախելո՛ոս, Աղրաֆիոթիս, Թաւրոփոս եւ Թրիքերիոթիս գետերու ջուրի ծաւալներու կուտակումէն ետք։ Ստեղծուած արուեստական լիճը 4․750․000․000 մ³ ջուր ընդունելու կարողութիւն ունի։

Տեղեկութիւններ

Լիճը կը գտնուի Էթոլոաքարնանիա եւ Էվրիթանիա նահանգներուն միջեւ։ Էբիսքոբիս եւ Թաթարնա կամուրջները երկու նահանգները իրարու կը կապեն։

Շրջանը ՆԱԹՈՒՐԱ 2000 ծրագրին մաս կը կազմէ։

Յունական «ֆյորտ»ներու ծանօթացման ու յառաջացման մշակուած ծրագիրը, կ՛ընդգրկէ լիճին մէջ նաւակով ամենօրեայ (առտու եւ կէսօրէն ետք) ձրի ճանապարհընթաց։

Քրեմասթոն արուեստական լիճին կառուցման համար, ծովամուխ եղած են հետեւեալ տարածքները․-

«Մարդահաս» ակ․ ամառուան ամիսներուն ընթացքին Ախելո՛ոս գետին միակ ակը,
Մանոլիսին կամուրջը․ 400 եւ աեւլի տարիներ կը միացնէր Աղրաֆիոթիս գետին երկու ափերը։ Կամուրջը ամառուան ամիսներուն երեւան կու գայ։
Թաթարնայի պատմական միակամար կամուրջը։
Էբիսքոբիսին բիւզանդական վանքը։
Էբիսքոբի, Այիոս Վասիլիոս եւ Թրիհոնիդայի Սիդերա գիւղերը։