Jump to content

Քոլին Ճոսթ

Քոլին Ճոսթ
անգլերէն՝ Colin Jost
Ծննդեան անուն անգլերէն՝ Colin Kelly Jost[1]
Ծնած է 29 Յունիս 1982(1982-06-29) (44 տարեկան)
Ծննդավայր Սթէյթըն կղզի, Նիւ Եորք, Նիւ Եորք, Ամերիկայի Միացեալ Նահանգներ[2]
Քաղաքացիութիւն  Ամերիկայի Միացեալ Նահանգներ
Մայրենի լեզու անգլերէն
Ուսումնավայր Հարուըրտ Համալսարան և Regis High School?
Մասնագիտութիւն կատակերգակ, դերասան, հեղինակ, հեռատեսիլի դերասան, Շարժապատկերի դերասանուհի, հեռուստառեժիսոր և հեղինակ
Ամուսին Lua error in Մոդուլ:Sources at line 232: bad argument #1 to 'format' (string expected, got nil).
Կայքէջ colinjost.com​(անգլերէն)

Քոլին Ճոսթ (անգլերէն՝ Colin Jost, 29 Յունիս 1982(1982-06-29), Սթէյթըն կղզի, Նիւ Եորք, Նիւ Եորք, Ամերիկայի Միացեալ Նահանգներ[2][3][4]), ամերիկացի կատակերգակ, գրող եւ դերասան է։ Ան 2005 թուականէն ի վեր կը հանդիսանայ NBC-ի «Սաթըրտէյ Նայթ Լայվ»կատակերգական յայտագիրի հիմնական գրողներէն, իսկ 2014-էն սկսեալ՝ «Ուիքենտ Ափտէյթ» բաժինի համավարողը։ Ան նաեւ վարած է յայտագիրի գլխաւոր համագրողի պաշտօնը 2012-էն 2015 թուականներուն, իսկ աւելի ուշ՝ 2017-էն 2022 թուականներուն, Մայքըլ Չէի հետ միասին դարձեալ ստանձնած է գլխաւոր գրողի դերը[5][6]։

2025 թուականին, Ճոսթ ստացած է Մարդասիրական գրականութեան պատուաւոր դոկտորի տիտղոս Սթաթըն Այլընտի քոլեճին կողմէ (CUNյ)` ի գնահատումն կատակերգութեան, հեռուստատեսութեան եւ համայնքային ծառայութեան մէջ իր ունեցած ներդրումներուն[7]։ Ան «Փրայմթայմ Էմմի» մրցանակի կրկնակի դափնեկիր է եւ տասնինը անգամ թեկնածու առաջադրուած է «Էմմի» մրցանակին՝ «Սաթըրտէյ Նայթ Լայվ»-ի մէջ իր կատարած աշխատանքին, ինչպէս նաեւ «Փոփ Քալչըր Ճեփըրտի!» հարցուպատասխանի մրցոյթ-յայտագիրը վարելուն համար[8]։

Կենսագրական գիծեր[9]

[Խմբագրել | Խմբագրել աղբիւրը]

Ճոսթ ծնած է 29 Յունիս 1982-ին, Նիւ Եորք քաղաքին մէջ։ Ան մեծցած է կաթողիկէ ընտանիքի մը մէջ՝ Սթաթըն Այլընտի Կրայմզ Հիլ[10] թաղամասին մէջ։ Մայրը՝ Քերրի Ճ. Քելլի, Նիւ Եորքի հրշէջ վարչութեան գլխաւոր բժշկական սպան էր, իսկ հայրը՝ Տանիէլ Ա. Ճոսթ, ուսուցիչ էր Սթաթըն Այլընտի արհեստագիտական բարձրագոյն վարժարանին մէջ[11]։ Ան ունի կրտսեր եղբայր մը՝ Քէյսի Ճոսթ, որ «Իմփրաքթիքըլ Ճոքըրզ» յայտագիրի գրողն ու արտադրիչն է, ինչպէս նաեւ դերակատարութիւն ունեցած է «Սթաթըն Այլընտի ամառը» ֆիլմին մէջ[12]։

Ճոսթ յաճախած է Մանհաթընի Ռեճիս բարձրագոյն վարժարանը, ուր եղած է դպրոցական «Տը Օուլ» թերթի խմբագիրը, եւ աւարտած է 2000 թուականին։ Այնուհետեւ ան պատմութիւն եւ գրականութիւն ուսանած է Հարուըրտ համալսարանին մէջ, ուր բնակած է Լեւըրեթ Հաուսի մէջ։ Ան մասնագիտացած է ռուսական եւ բրիտանական գրականութեան մէջ, եւ իր աւարտաճառը գրած է Վլատիմիր Նապոքովի մասին։ Ճոսթ եղած է «Տը Հարուըրտ Լամփուն» երգիծական պարբերաթերթի նախագահը եւ 5,250 տոլար շահած է «Ուիքըսթ Լինք» հեռուստախաղի համալսարանական թողարկման ընթացքին, թէեւ նշած է, որ իր կարծիքով ինք արժանի չէր յաղթանակի[13]։ Ան Հարուըրտը աւարտած է 2000-ականներու սկզբնաւորութեան (2004-ին)՝ ստանալով Արուեստից պսակաւորի գերազանցութեան տիտղոս։

Ասպարէզ[14]

[Խմբագրել | Խմբագրել աղբիւրը]

Համալսարանը աւարտելէ ետք, Ճոսթ աշխատած է իբրեւ թղթակից եւ սրբագրիչ «Սթաթըն Այլընտ Էտվանս» թերթին մէջ։ Այնուհետեւ ան հրաւիրուած է իբրեւ գրող «Նիքելոտէօն»-ի կարճ կեանք ունեցած «Քափփա Մայքի» անիմացիոն յայտագիրին համար։ Այդ աշխատանքէն ետք, ան իր գրութիւններու փաթեթը ուղարկած է NBC-ի «Սաթըրտէյ Նայթ Լայվ» յայտագիրին, ինչ որ իրեն ձեռքբերում ապահոված է՝ 2005-ին ստանձնելով գրողի պաշտօնը[15]։

2009-էն 2012 թուականներուն Ճոսթ եղած է SNL-ի գրութիւններու վերահսկիչը։ Ան 2012-էն 2015 թուականներուն վարած է գլխաւոր համագրողի պաշտօնը, եւ վերստին ստանձնած է այդ դերը 2017-էն 2022 թուականներուն։ Ան յաճախ համագործակցած է SNL-ի միւս համագրող Ռոպ Քլայնի հետ։ 2012–2013 տարեշրջանին յաջորդած ամառնային դադարի ընթացքին, գործադիր արտադրիչ Լորն Մայքըլզ Ճոսթին առաջարկած է ստանձնել «Ուիքենտ Ափտէյթ» բաժինը, որովհետեւ համավարող Սեթ Մէյըրզ շուտով պիտի հեռանար՝ վարելու համար «Լէյթ Նայթ ուիթ Սեթ Մէյըրզ» հաղորդումը։ Ճոսթ ընդունած է առաջարկը եւ փոխարինած է Մէյըրզը 1 Մարտ 2014-ի յայտագիրին ընթացքին։ 23 Հոկտեմբեր 2021-ի թողարկման ժամանակ, որ կը վարէր Ճէյսըն Սուտէյքիսը, Ճոսթ անցաւ Մէյըրզի մրցանիշը՝ դառնալով այս բաժինի պատմութեան մէջ ամէնաերկար սպասարկած հաղորդավարը[16]։

Ճոսթ նշած է Նորմ Մաքտոնալտը իբրեւ գլխաւոր ազդեցութիւն իր հաղորդավարական աշխատանքին վրայ՝ ըսելով, որ Մաքտոնալտի ոճը այն մէկն էր, որուն հետ ինք մեծցած է երկրորդական վարժարանի տարիներուն։ Ան նաեւ Թինա Ֆէյը յիշատակած է իբրեւ ներշնչման աղբիւր։ Բացի «Ուիքենտ Ափտէյթ»-էն, Ճոսթ կարճ հիւր-դերակատարութեամբ հանդէս եկած է Օհայոյի նահանգապետ Ճոն Քէյսիքի դերով՝ Հանրապետական կուսակցութեան նախագահական բանավէճի երգիծական տեսարանի մը մէջ։ Աւելի ուշ, ան մարմնաւորած է իր ընկեր Փիթ Պուտիճեճը՝ Դեմոկրատական կուսակցութեան 2020 թուականի նախագահական նախնական ընտրութիւններու երգիծական պատկերներուն մէջ, ինչպէս նաեւ Ռոճըր Կուտելը՝ NFL-ի 2021-ի մրցաշրջանի ընթացքին։ Իսկ 2025 եւ 2026 թուականներուն ան մարմնաւորած է Պաշտպանութեան նախարար Փիթ Հեկսեթը[17]։

Ճոսթ հանդէս եկած է նաեւ իբրեւ սթենտ-ափ կատակերգակ՝ ելոյթներ ունենալով «Լէյթ Նայթ ուիթ Ճիմի Ֆալոն» յայտագիրին մէջ, ինչպէս նաեւ TBS եւ HBO ալիքներով։ Ան ընտրուած է իբրեւ «Նոր դէմք» Մոնրէալի «Ճասթ ֆոր Լաֆս» (Just for Laughs) փառատօնին 2009-ին, եւ այդուհետեւ հանդէս եկած է Չիքակոյի նոյնանուն փառատօնին 2011-ին ու 2012-ին, իսկ Մոնրէալի փառատօնին՝ դարձեալ 2010-ին եւ 2012-ին։ Ճոսթ չորս երգիծական յօդուածներ հրատարակած է «Թը Նիւ Եորքըր» ամսագիրին մէջ, ինչպէս նաեւ աշխատակցած է «Թը Նիւ Եորք Թայմզ Մակազին»-ին, «Հաֆինկթըն Փոսթ»-ին, «Սթաթըն Այլընտ Էտվանս»-ին եւ «Ռատար»-ին։ Ան գրած է 2015 թուականի «Սթաթըն Այլընտի ամառը» կատակերգական ֆիլմի սենարը եւ հոն ստանձնած փոքր դեր մը, ինչպէս նաեւ փոքր դերով մը (իբրեւ Փոլ) հանդէս եկած է 2016-ի «Ինչպէս ըլլալ ամուրի» վիպական-կատակերգական ֆիլմին մէջ։ Յունուար 2016-ին, Ճոսթ բացումը կատարած է կատակերգակ Լիամ ՄաքԷնինիի ձայնապնակի արձանագրութեան՝ Պրուքլինի «Թը Պել Հաուս» սրահին մէջ։ 2018-ի վերջաւորութեան, Ճոսթ եւ «Կրին Պէյ Փեքըրզ»-ի քուորթըրպեք Էրըն Ռոճըրզը միասին հանդէս եկած են «Այզոտ» հագուստի ապրանքանիշի գովազդային արշաւին մէջ[18]։

Սեպտեմբեր 2018-ին, Ճոսթ Մայքըլ Չէի հետ միասին վարած է «Փրայմթայմ Էմմի» մրցանակաբաշխութիւնը[19]։

Ճոսթ, դարձեալ Մայքըլ Չէի հետ, 4 Մարտ 2019-ին ներկայացած է WWE-ի «Մանտէյ Նայթ Ռօ» ըմբշամարտի շոուին, ուր երկուքն ալ յայտարարուած են իբրեւ «ՈւրեսըլՄենիա 35»-ի յատուկ թղթակիցներ։ Այդ թողարկման ընթացքին անոնք ներքաշուեցան սենարային հակամարտութեան մէջ ըմբշամարտիկ Պրաուն Սթրոումընի հետ, ինչ որ պատճառ դարձաւ, որ թէ՛ Ճոսթը եւ թէ՛ Չէն մասնակից դառնան «ՈւրեսըլՄենիա»-ի «Անտրէ տը Ճայընթի յիշատակի բազմամարդ մարտին»։ Մրցումի ընթացքին, Ճոսթ եւ Չէ մարտադաշտի մեծ մասը անցուցին ռինկին տակ պահուըտելով, ապա փորձեցին դուրս ձգել Սթրոումընը, երբ վերջինս կը փորձէր նոյնը ընել «Հարտի Պոյզ»-ի նկատմամբ։ Ճոսթ փորձեց հանդարտեցնել կացութիւնը՝ օգտագործելով իր հոգեբանին օգնութիւնը, բայց Սթրոումըն զայն վիզէն բռնած հարուածեց գետնին եւ արագօրէն ռինկէն դուրս նետեց երկու կատակերգակներն ալ՝ շահելով մրցումը[20]։

Յուլիս 2020-ին, Ճոսթ հրատարակեց իր յուշագրութիւնը՝ «Չափազանց հարուածելի դէմք մը. Յուշագրութիւն» խորագրով։ Գիրքը լաւ ընդունելութիւն գտաւ եւ յայտնուեցաւ «Նիւ Եորք Թայմզ»-ի պեսթսելըրներու (ամէնավաճառուած գիրքերու) ցանկին մէջ[21]։

27 Ապրիլ 2024-ին, Ճոսթ վարեց Սպիտակ տան թղթակիցներու ընթրիքը, որ լրագրողներու ամէնամեայ հաւաքոյթ է եւ ուր սովորաբար ելոյթ կ'ունենան նախագահն ու հրաւիրեալ կատակերգակը։ Իր 20 վայրկեաննոց մենախօսութեան ընթացքին, Ճոսթ կատակներ ըրաւ Թրամփի եւ Պայտընի հասցէին, իր աջակցութիւնը յայտնեց Պայտընի «պարկեշտութեան», կատակեց Սքարլեթ Եոհանսոնի հետ իր ամուսնական կեանքին մասին եւ դրուատեց ազատ մամուլը[22][23][24]։

Ճոսթ կարճ դերակատարումով մը հանդէս եկաւ 2024 թուականի «Տանիր զիս դէպի լուսին» ֆիլմին մէջ, ուր գլխաւոր դերով հանդէս կու գար իր կինը՝ Սքարլեթ Եոհանսոնը[25]։

31 Յուլիս 2024-ին յայտարարուեցաւ, որ Ճոսթ պիտի ըլլայ Amazon Prime Video-ի «Փոփ Քալչըր Ճեփըրտի!» հարցուպատասխանի մրցոյթ-յայտագիրի հաղորդավարը, որ յետագային՝ 2026 թուականին, տեղափոխուեցաւ Netflix[26]։

Անձնական կեանք[27]

[Խմբագրել | Խմբագրել աղբիւրը]

Հարուըրտի Լեւըրեթ Հաուսի մէջ բնակած օրերուն, Ճոսթ սենեկակից եղած է Փոխադրութեան նախկին նախարար Փիթ Պուտիճեճի հետ։ 2015 թուականին, Ճոսթ դրամական նուիրատուութիւն կատարած է Պուտիճեճի քաղաքապետական վերընտրութեան արշաւին։ Յաջորդիւ, Պուտիճեճի նախագահական ընտրարշաւի ընթացքին, Ճոսթ մարմնաւորած է զայն SNL-ի 45-րդ տարեշրջանին մէջ[28]։

Ճոսթ ամուսնացած է դերասանուհի Սքարլեթ Եոհանսոնի հետ (ասիկա Ճոսթի առաջին, իսկ Եոհանսոնի երրորդ ամուսնութիւնն է), որուն հետ ծանօթացած է SNL-ը հիւրընկալելու անոր բազմաթիւ առիթներէն մէկուն ընթացքին։ Անոնց յարաբերութիւնը սկսաւ Մայիս 2017-ին, իսկ Մայիս 2019-ին անոնք նշանուեցան։ Անոնք ամուսնացան Հոկտեմբեր 2020-ին՝ Նիւ Եորքի իրենց տան մէջ։ Եոհանսոն իրենց արու զաւակը լոյս աշխարհ բերաւ Օգոստոս 2021-ին[29]։

2023 թուականին, Ճոսթ, SNL-ի իր պաշտօնակից եւ Սթաթըն Այլընտի բնակիչ Փիթ Տէյվիտսընի հետ միասին, գնեց Սթաթըն Այլընտի շոգենաւային գիծի գործածութենէ հանուած նաւ մը՝ «MV John F. Kennedy»-ն։ Այս շոգենաւը հետագային գործածուեցաւ «Սքրիմպոթ» ֆիլմին մէջ[30]։

Ճոսթ ալիքասահքի մեծ սիրահար է, եւ NBC Sports-ի կողմէ ուղարկուած էր Թահիթի՝ 2024 թուականի Ամառնային Ողիմպիական խաղերու ալիքասահքի մրցումները լուսաբանելու համար։ Սակայն, մրցաշարքի աւարտէն առաջ ան ստիպուած եղաւ տուն վերադառնալ բժշկական խնամք ստանալու համար, ետքը այն բանին, երբ մարջանեայ ժայռի վրայ ոտքը կտրելու պատճառով քանի մը վարակներ ստացած էր[31]։

Ծանօթագրութիւններ

[Խմբագրել | Խմբագրել աղբիւրը]
  1. ↑ Deutsche Nationalbibliothek Record #1238400663 // Gemeinsame Normdatei — 2012—2016.
  2. 1 2 Freebase տվյալների վերբեռնում — Կուկըլ.
  3. ↑ Mandel Peter, Baher Cynthia (May 1983)։ The Classes։ Brown Alumni Monthly 83 (8): 58։ արտագրուած է՝ September 13, 2014։ «Darnel A. Jost and his wife. Dr. Kerry Kelly '77 M.D., of Staten Island, N.Y., report the birth of their first child, Colin Kelly Jost, on June 29.»
  4. ↑ Colin Jost։ TV Guide։ արխիւացուած է բնօրինակէն-էն՝ January 29, 2016-ին
  5. ↑ Johnson, Ben (October 30, 2008). "Cover Story: Jost for Laughs". AWE. Archived from the original on November 21, 2018. Retrieved August 19, 2010.
  6. ↑ Cooper, Gael Fashingbauer (January 23, 2014). "'SNL' head writer to join Cecily Strong as 'Weekend Update' co-anchor". The Today Show. Archived from the original on November 4, 2014. Retrieved January 23, 2014.
  7. ↑ Vecera, Mattea (June 11, 2025). "'Saturday Night Live' comedian Colin Jost receives honorary doctorate from the College of Staten Island". silive. Retrieved June 23, 2025.
  8. ↑ (անգլերեն) Colin Jost, 2026-07-05, https://en.wikipedia.org/w/index.php?title=Colin_Jost&oldid=1362733735, վերցված է 2026-07-13
  9. ↑ (անգլերեն) Colin Jost, 2026-07-05, https://en.wikipedia.org/w/index.php?title=Colin_Jost&oldid=1362733735, վերցված է 2026-07-13
  10. ↑ Bailey, Rob (November 19, 2017). "SNL's Colin Jost before he was famous: 10 classic Staten Island Advance stories". Staten Island Advance. Archived from the original on January 19, 2019. Retrieved January 19, 2019.
  11. ↑ Friedman, Milly (February 24, 2014). "'Saturday Night Live' moves young comic Colin Jost into a 'Weekend Update' anchor chair". New York Daily News. Archived from the original on February 3, 2018.
  12. ↑ "Colin Jost and Michael Che: 25 Things You Don't Know About Us". October 2016. Archived from the original on October 2, 2016. Retrieved October 3, 2016.
  13. ↑ Martin, William C. (November 14, 2002). "Junior Proves Strength on 'Weakest Link'". The Harvard Crimson. Archived from the original on November 29, 2021. Retrieved May 14, 2021.
  14. ↑ (անգլերեն) Colin Jost, 2026-07-05, https://en.wikipedia.org/w/index.php?title=Colin_Jost&oldid=1362733735, վերցված է 2026-07-13
  15. ↑ Fretts, Bruce (April 7, 2014). "Surely You Jost!". TV Guide. p. 9.
  16. ↑ White, Peter (October 24, 2021). "'SNL': Colin Jost Breaks Seth Meyers' Weekend Update Record". Deadline Hollywood. Archived from the original on October 15, 2022. Retrieved October 14, 2022.
  17. ↑ Itzkoff, Dave (December 7, 2025). "Colin Jost Plays Pete Hegseth on 'S.N.L.' to Explain 'Operation Kill Everybody'". The New York Times. Retrieved February 18, 2026.
  18. ↑ Palmieri, Jean E. (September 5, 2018). "Parody Traditional Fashion Ads in New Izod Commercials". Women's Wear Daily. Archived from the original on September 29, 2018. Retrieved September 28, 2018.
  19. ↑ Gonzalez, Sandra (April 26, 2018). "Michael Che and Colin Jost to host Emmy Awards". CNN.com. Retrieved April 30, 2024.
  20. ↑ Benigno, Anthony (April 7, 2019). "Braun Strowman won the sixth annual Andre the Giant Memorial Battle Royal". WWE. Archived from the original on April 9, 2019. Retrieved April 9, 2019.
  21. ↑ Kroll, Justin (December 16, 2020). "'Ramy' Director Christopher Storer To Helm Colin Jost-Pete Davidson Comedy 'Worst Man' For Universal". Deadline Hollywood. Retrieved February 18, 2026.
  22. ↑ "'Decency is why we are all here tonight': Jost gives touching closing remarks". CNN.com. April 28, 2024. Retrieved April 30, 2024.
  23. ↑ Steinberg, Brian (April 27, 2024). "Colin Jost Wins Over Tough White House Correspondents Dinner Crowd With Praise for 'Decent' Biden". Variety. Retrieved April 30, 2024.
  24. ↑ Gariano, Francesca (April 28, 2024). "Colin Jost jokes about married life with Scarlett Johansson at White House Correspondents' Dinner". Today. Retrieved April 30, 2024.
  25. ↑ Ryan, Patrick (July 13, 2024). "Scarlett Johansson dishes on husband Colin Jost's 'very strange' movie cameo". USA Today. Retrieved August 23, 2024.
  26. ↑ Jensen, Erin (July 31, 2024). "Who will host 'Pop Culture Jeopardy!' spinoff? The answer is…". USA Today. Retrieved July 31, 2024.
  27. ↑ (անգլերեն) Colin Jost, 2026-07-05, https://en.wikipedia.org/w/index.php?title=Colin_Jost&oldid=1362733735, վերցված է 2026-07-13
  28. ↑ Merica, Dan (October 26, 2019). "From Harvard to SNL: How Pete Buttigieg and Colin Jost are crossing paths 15 years later". CNN. Archived from the original on October 27, 2019. Retrieved October 28, 2019.
  29. ↑ VanHoose, Benjamin; Leonard, Elizabeth (August 18, 2021). "Scarlett Johansson and Husband Colin Jost Welcome First Baby Together". People. Archived from the original on August 18, 2021. Retrieved August 18, 2021.
  30. ↑ Heinrichs, Audra (November 27, 2024). "A Horror Movie Was Made on a Staten Island Ferry Owned by Pete Davidson & Colin Jost". Jezebel. Retrieved March 6, 2025.
  31. ↑ Tapp, Tom (August 5, 2024). "Colin Jost's Olympics Surfing Correspondent Days Are Over As The Competition Continues". Deadline Hollywood. Retrieved August 8, 2024.
Վերցուած է «https://hyw.wikipedia.org/w/index.php?title=Քոլին_Ճոսթ&oldid=252698» էջէն