Քոզանի

Քաղաք, նաւահանգիստ
Քոզանի
յուն․՝ Κοζάνη
Քոզանի քաղաք
Երկիր	Յունաստան
Տարածութիւն	366 քմ²
ԲԾՄ	720 մեթր
Բնակչութիւն	42 140 մարդ (2021), 37 893 մարդ (2001), 34 138 մարդ (1991) և 41 066 մարդ (2011)
Հեռախօսային ցուցանիշ	24610
Փոստային ցուցանիշ	501 xx (xx=31 or 32)
Շրջագայութեան պետ-համարագիր	KZ
Սուրբ բարեխօս	Ս. Նիկողայոս Զմիւռնիացի
Պաշտօնական կայքէջ	cityofkozani.gov.gr

Քոզանի (յուն․՝Κοζάνη)․ Մակեդոնիոյ քաղաք, մայրաքաղաք Քոզանի Շրջանային Միաւորին, Յունաստան։ Կառուցուած է Վերմիօ, Վուրինոս եւ Բիէրիա Օրի լեռնաշղթաներուն միջեւ։ Կը գտնուի ծովու մակերեսէն 720 մ․ բարձրութեան վրայ եւ Բոլիֆիթոս լիճին 15 քլ հիւսիս-արեւմուտքը։ Ըատ 2021-ի մարդահամարին, քաղաքը ունի 42 316 բնակիչ։ Հնաբանական պեղումները կը հաստատեն թէ Քոզանի բնակուած է Երկաթի դարաշրջանէն։

Հակիրճ տեղեկութիւններ

Հնաբանական պեղումները յայատնաբերած են Էլիմիա հնադարեան քաղաքին աւերակները։ Քոզանի քաղաքին մասին առաջին նշումը արձանագրուած է 1528-ի սուլթանական ֆիրմանի մէջ, իբրեւ բնակավայր որ ունէր 91 տուն, 23 անամուս եւ 15 այրի կիներ։

Քոզանիին բնակիչները մասնակցած են Յունաստանի 1821-ի Ազատագրական պայքարին։ 1904-ի մարդահամարը կը ցուցնէ թէ քաղաքին մէջ կը բնակէին 12 350 յոյն։

Մակեդոնական պայքարի շրջանին, Քոզանիի բնակիչներն ալ մասնակցած են։ Քաղաքը օսմանեան լուծէն կը ձերբազատուի 11 Հոկտեմբեր 1912-ին, երբ յունական բանակը յաղթական քաղաք կը մտնէ Սարանտաբորօ ճակատամարտէն ետք։

Բարեկենդանի օրերուն Քոզանի քաղաքին մէջ տեղի կ՛ունենան զանազան աւանդական ելոյթներ, ինչպէս օրինակ տօնական ճրագվառը՝ «ֆանոս» (φανός)։ Քաղաքին թաղամասերու մէջ մարդիկ ճրագվառ կ՛ ընեն, կը պարեն, գինի կը խմեն եւ մսեղէն կը սպառեն։

Եղբայրացած քաղաքներ

Քոզանի եղբայրացած է հետեւեալ քաղաքներուն հետ․-

Պրիսթոլ, Քենեքթիքաթ, Ա․Մ․Ն․

Իասիօ, Ռումանիա

Թարկովիցէ, Պուլկարիա

Մոսֆիլոթի, Կիպրոս

Պատկերասրահ

• 
  Քոզանիին դիրքը
• 
  Ֆանոս՝ բարեկենդանեան ճրագվառ
• 
  Բոլիֆիթոս լիճին վրայ կամուրջ
• 
  Այիոս Նիքոլաոս եկեղեցի
• 
  Ժողովրդագրական թանգարան
• 
  Ազնուական տան մը հիւրասենեակը
• 
  Նիքիս հրապարակ
• 
  «Լասանի» առանձնատուն․ այժմ կը հիւրասիրէ քաղաքապետութեան քարտէսներու ծրարներու արխիւը