Քնարիկ Պապայեան

Քնարիկ Պապայեան
Ծնած է	1921
Ծննդավայր	Գեղանուշ, Հայաստան
Քաղաքացիութիւն	Խորհրդային Միութիւն
Կրթութիւն	Երեւանի Պետական Բժշկական Համալսարան
Մասնագիտութիւն	բժիշկ
Աշխատավայր	Համաճարակաբանության, վիրուսաբանություն և բժշկական մակաբուծաբանության ինստիտուտ?
Պարգեւներ	Կարմիր Աստղի շքանշան?

Քնարիկ Միքայէլի Պապայեան (1921, Գեղանուշ, Հայաստան), հայ բժիշկ, Երկրորդ համաշխարհային պատերազմի Արեւելեան ռազմաճակատի («Հայրենական մեծ պատերազմ», 1941-1945) գործողութիւններու մասնակից։

Կենսագրութիւն

Ծնած է ծառայողի ընտանիքի մը մէջ։ Ինն տարեկանին ծնողքին հետ տեղափոխուած է Գանձակ։ Միջնակարգ կրթութիւնը ստացած է Գանձակի թիւ 11 դպրոցին մէջ (1938)։

Յաջորդ տարի ընդունուած է Երեւանի բժշկական համալսարանը եւ աւարտած՝ 1943-ին։ Ապա աշխատանքի անցած է Երեւանի համաճարակաբանութեան եւ մանրէաբանութեան հիմնարկին մէջ՝ որպէս մանրէաբան։

1944-ին զօրակոչուած է բանակ եւ 2-րդ Մերձպալթեան ռազմաճակատի զօրքերուն հետ մասնակցած է մարտերու։ 1945-ին արձակուած է բանակէն։

Մինչեւ 1950 աշխատած է Երեւանի առաջին մանկական հիւանդանոցին մէջ՝ որպէս մանկաբոյժ, իսկ 1950-էն սկսեալ՝ երկրորդ ծննդատան քլինիքական լաբորաթորիային մէջ՝ բժիշկ-լաբորանթ։

Աւելի քան երկու տասնամեակ եղած է քլինիքայի արհկոմի նախագահը եւ ընտրուած՝ Երեւանի քաղաքային խորհուրդի պատգամաւոր։

Պարգեւներ

Պարգեւատրուած է՝

• «Կարմիր աստղ» շքանշանով
• «1941-1945 թթ. Հայրենական մեծ պատերազմին ֆաշիստական Գերմանիոյ դէմ տարած յաղթանակին համար» մետալով
• «Անձնուէր աշխատանքի համար» մետալով
• Հինգ այլ մետալներով եւ բազմաթիւ պատուոգիրներով։