Քաղցր գետնախնձորով աղցան

Քաղցր գետնախնձորով աղցան, քաղցր համով եւ բնական նրբութիւններով հարստացած գունաւոր աղցան: Հաճելի եւ առողջարար ընտրութիւն մը՝ օրուան իւրաքանչիւր ճաշացանկի համար։

Քաղցր գետնախնձորով աղցանին յատկութիւնները

• Հարուստ է սննդանիւթերով` Ա. եւ Սէ. կենսանիւթեր, երկաթ, բուսական սպիտակուց, բնաթել եւ այլն:
• Հակաբորբոքային է. քաղցր գետնախնձորը եւ շոմինը ծանօթ են իրենց հակաբորբոքային յատկութիւններով:
• Օգտակար է սիրտին. ոսպը եւ ձիթապտուղի ձէթը կը նպաստեն սիրտի առողջութեան բարելաւման:
• Կ'օգնէ մարսողութեան. բնաթելերու բարձր պարունակութիւնը կը նպաստէ աղիքներու առողջ գործունէութեան եւ առհասարակ` մարսողութեան գործընթացին:
• Կենսունակութեան. ածխաջուրերու, բնասպիտներու եւ առողջ ճարպերու հաւասարակշռուած խառնուրդը կայուն կը պահէ կենսունակութիւնը:

Բաղադրիչներ

• 2 միջին չափի քաղցր գետնախնձոր,
• 1 գաւաթ խաշած ոսպ,
• 2 գաւաթ թարմ շոմինի տերեւներ,
• 2 ապուրի դգալ ձիթապտուղի ձէթ,
• 1/4 գաւաթ փշրուած ֆեթա պանիր:

Թացանին համար

• 3 ապուրի դգալ ձիթապտուղի ձէթ,
• 2 ապուպի դգալ կիտրոնի հիւթ,
• 1 ապուրի դգալ մանանեխ,
• 1 պճեղ ճզմուած սխտոր,
• 1 թէյի դգալ մեղր,
• Աղ, պղպեղ:

Պատրաստութիւն

Քաղցր գետնախնձորները խորանարդաձեւ կտրատել, ձիթապտուղի ձէթով, աղով եւ սեւ պղպեղով համեմել եւ նախապէս տաքցուած փուռի մէջ 20-25 վայրկեան խորովել, մինչեւ որ փափկանան:

Մինչ այդ փոս ամանի մը մէջ պատրաստել թացանը` վերը նշուած բաղադրիչները խառնելով:

Մատուցման ամանին մէջ լեցնել տաք քաղցր գետնախնձորները, եփած ոսպը եւ թարմ շոմինի տերեւները: Աւելցնել թացանը եւ զգուշութեամբ խառնել: Սեղան բերելէ առաջ երեսը զարդարել փշրուած ֆեթա պանիրով:

Կարելի է ի հարկին շոմինը փոխարինել կաղամբով, քաղցր գետնախնձորը` մեղրադդումով կամ ստեպղինով: