Քաղցկեղի Դէմ Պայքարի Համաշխարհային Օր
| Քաղցկեղի Դէմ Պայքարի Համաշխարհային Օր | |
|---|---|
 | |
| Տեսակ | Միջազգային օր և յիշարժան ամսաթիւ |
| Ամսաթիւ | 4 Փետրուար[1] |
| Հաստատուած | 2000[2] |
| Ի յիշատակ | Քաղցկեղ |
| Կայք | worldcancerday.org/…(սպան․) և worldcancerday.org/…(անգլերէն) |
Քաղցկեղի դէմ պայքարի համաշխարհային օր, յիշատակի ամսաթիւ, որ կը նշուի ամէն տարի 4 Փետրուարին։ Հռչակած է «Քաղցկեղային հիւանդութիւններու դէմ պայքարի միջազգային միութիւնը» (Քաղցկեղի դէմ միջազգային միութիւն) (UICC)՝ նպատակ ունենալով աջակցիլ 2008 թուականին գրուած «Քաղցկեղի համաշխարհային հռչակագրի» նպատակներուն։ Այս միջազգային օրուայ նպատակն է բարձրացնել քաղցկեղի՝ որպէս ժամանակակից քաղաքակրթութեան ամենասարսափելի հիւանդութիւններէն մէկուն մասին իրազեկուածութիւնը[3], ապատեղեկատուութեան վերացումը[4], ուշադրութիւն դարձնել այդ հիւանդութեան կանխարգելման, յայտնաբերման ու բուժման, անոր խրախուսման։
Քաղցկեղի դէմ պայքարի համաշխարհային օրուայ առաջնային նպատակը քաղցկեղի պատճառով առաջացած հիւանդութիւններու ու մահուան դէպքերու էականօրէն կրճատումն է[5], եւ առիթ է միջազգային հանրութեան միաւորելու, որպէսզի վերջ տրուի քաղցկեղի պատճառով առաջացող տառապանքներու անարդարութեան[6]։ Քաղցկեղէն պաշտպանութեան միջազգային օրը հանրութեան ցոյց կը տրուին քաղցկեղի դէմ պայքարին մէջ աշխարհի առջեւ ծառացած խնդիրները եւ կոչ կ՚առնուի UICC-ի անդամ քաղաքական գործիչներուն եւ կազմակերպութիւններուն վերաբերուիլ քաղցկեղին որպէս քաղաքական առաջնահերթութիւն։ Օրը կը նշուի Միաւորուած ազգերու կազմակերպութեան կողմէ[7]։
Յայտնի է, որ քաղցկեղային հիւանդութիւններու 43%-ի առաջացումը հնարաւոր կ՚ըլլար կանխել առողջ վարքի այնպիսի նորմերու միջոցով, ինչպիսին են.
- Ծխելու սահմանափակում, պայքարը այս երեւույթի դէմ,
- Ֆիզիկական ակտիւութիւն, հաւասարակշռուած, առողջ սնունդ,
- Պատուաստում լեարդի եւ արգանդի վզիկի քաղցկեղ առաջացնող վիրուսներու դէմ,
- Խուսափիլ արեւի տակ եւ սոլարիում երկար մնալէն։
Ծանօթագրութիւններ
[Խմբագրել | Խմբագրել աղբիւրը]- ↑ https://journal.paho.org/es/dias-internacionales-salud/dia-mundial-contra-cancer
- ↑ https://www.worldcancerday.org/es/nuestra-historia
- ↑ Gander Kashmira (2016 թ․ փետրվարի 4)։ «World Cancer Day: Why is the disease still a taboo?»։ The Independent։ արտագրուած է՝ 2016 թ․ փետրվարի 4
- ↑ Szabo Liz (2013 թ․ փետրվարի 3)։ «World Cancer Day targets myths, spreads message»։ USA Today։ արտագրուած է՝ 2016 թ․ փետրվարի 4
- ↑ «World Cancer Day 2013 One-Pager (English)»։ UICC։ արխիւացուած է բնօրինակէն-էն՝ 2014 թ․ սեպտեմբերի 2-ին։ արտագրուած է՝ 2013 թ․ փետրվարի 2
- ↑ «World Cancer Day»։ World Health Organization (en-GB)։ արխիւացուած է բնօրինակէն-էն՝ 2018 թ․ օգոստոսի 31-ին։ արտագրուած է՝ 2018 թ․ սեպտեմբերի 9
- ↑ https://www.un.org/en/sections/observances/international-days/
Արտաքին յղումներ
[Խմբագրել | Խմբագրել աղբիւրը]- UICC պաշտօնական կայք (անգլերէն)