Քաղաքական Զրուցակից (Հանդէս)

«Քաղաքական զրուցակից», հասարակական-քաղաքական կիսամսեայ հանդէս (սկիզբը՝ ամսագիր)։ Մինչեւ 1989 թուականը՝ ՀԿԿ ԿԿ պրոպագանդայի եւ ագիտացիայի բաժնի հրատարակութիւն։

Պատմութիւն

Լոյս տեսած է 1933-1991 թուականներուն Երեւանի մէջ (1934-1935 թուականներուն՝ «Պրոպագանդիստ», 1936–1965 թուականներուն՝ «Ագիտատորի բլոկնոտ», 1966–1971 թուականներուն՝ «Ագիտատորի եւ պրոպագանդիստի բլոկնոտ», 1972-1979 թուականներուն՝ «Ագիտատոր եւ պրոպագանդիստ», 1980–1989 թուականներուն՝ «Կուսակցական Խօսք», 1989 թուականէն՝ «Քաղաքական Զրուցակից»)։ Խմբագիրներ՝ Վ. Դաստակեան, Գինօ Շաղգամեան, Բալաբեկ Մարտիրոսեան, Դաւիթ Յարութիւնեան, Գրիգոր Սինանեան, Սարգիս Ղեւոնդեան, Խաչիկ Իսկանդարեան, Զաւէն Գրիգորեան, Սալոմէ Արեշեան, Արամ Հայրեան, Արամայիս Մնացականեան, Գուրգէն Յարութիւնեան, Արտեմ Քոթանջեան, Յակոբ Այվազեան, Ռոբերտ Խաչատրեան, Մուսայել Քոչարեան, Տաճատ Վարժապետեան, Գէորգ Մուրադխանեան, Գրիգոր Պետրոսեան, Վարազդատ Բզնունի, Վաչէ Ենգիբարեան, Կամօ Վարդանեան, Խաչիկ Յովակիմեան։

Լուսաբանած է ՀԿԿ գաղափարախօսական աշխատանքը, տպագրած է յօդուածներ Խորհրդային Հայաստանի քաղաքական, տնտեսական, մշակութային եւ միջազգային կեանքի վերաբերեալ։

Այս յօդուածի կամ անոր բաժնի որոշակի հատուած վերցուած է «Հայ գրատպություն և գրքարվեստ» հանրագիտարանէն, որու նիւթերը թողարկուած են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թոյլատրագրի ներքոյ։