Փոքրիկ Այնշթայն Գիտութեան Թանգարան

Փոքրիկ Այնշթայն Գիտութեան Թանգարան
Տեսակ	թանգարան
Երկիր	Հայաստան
Տեղագրութիւն	Երեւան և Էրեբունի վարչական շրջան?
Հասցէ	Սուրբ Աբգար թագավորի փողոց?
Հիմնադրուած է	2016
	40°11′29″N 44°29′45″E / 40.191319°N 44.495964°E

Փոքրիկ Այնշթայն գիտութեան թանգարան, գիտութեան ինտերակտիւ թանգարան Երեւանի մէջ, ուր ներկայացուած է ելեկտրականութեան, մագնիսականութեան, դեղագիտութեան, ֆիզիկայի, մեխանիկայի եւ բնագիտական այլ ոլորտներուն առնչուող շուրջ 25 ցուցանմուշ[1]։

Պատմութիւն

Թանգարանը բացուած է 2016 թուականին։ Նախքան բացուիլը համահիմնադիրներու խումբը կազմակերպած է ինտերակտիւ շոու ծրագրեր, հիմնած է գիտական կեդրոններ, ուր երեխաները խաղերու եւ գիտափորձերու միջոցով կարողացած են ծանօթանալ տարատեսակ գիտական փաստերուն, թողարկած են հայալեզու գիտական հաւաքածոներ։ Թանգարանը նախատեսուած է 7 տարեկանէն բարձր երեխաներու եւ մեծահասակներու համար^[1]^[2]։

Ցուցանմուշներ

Թանգարանին մէջ ներկայացուած են մօտ 25 ցուցանմուշներ՝ ելեկտրականութեան, մագնետիզմի, դեղագիտութեան, մեխանիկայի, ֆիզիկայի եւ այլ բնագաւառներէ։ Ցուցանմուշները բերուած են Ռուսաստանէն եւ Չինաստանէն։ Թանգարանին մէջ ներկայացուած բոլոր նմուշները ունին գործնական կիրառութիւն ե՛ւ առօրեայ կեանքին, ե՛ւ գիտութեան մէջ, ցուցանմուշները նախատեսուած են, որպէսզի երեխաները, տարատեսակ ֆիզիկական երեւոյթներուն ծանօթանալով, զանոնք ձեռք տան։ «Արքիմեդի լծակի» միջոցով թանգարանին մէջ կարելի է բարձրացնել 32 քիլոկրամանոց գունդը^[3]։