Փարոս (թերթ, Ախալքալաք)

Փարոս; Փարոս, Սոցիալիստական անասնաբուծություն, Բոլշևիկյան կոլխոզ, Օքթոմբերիս դրոշա, Հոկտեմբերի դրոշով և Կարմիր դրոշ
Տեսակ	պարբերաթերթ
Լեզու	հայերէն և Վրացերէն
Հիմնադրուած է	1931
Երկիր	Ախալքալաքի քաղաքապետարան

«Փարոս», երկօրեայ թերթ, 1990-ական թուականներուն՝ անկանոն պարբերականութեամբ, Վրաստանի Ախալքալաքի շրջանի վարչութեան պաշտօնաթերթ (մինչեւ 1991 թուականը՝ Վրաստանի կոմունիստական կուսակցութեան Ախալքալաքի շրջանային կոմիտէի եւ ժողովրդական պատգամաւորներու շրջանային խորհուրդներու պաշտօնաթերթ)։

Պատմութիւն

Լոյս տեսած է 1931–1999 թուականներուն Ախալքալաքի մէջ հայերէն, 1 էջը՝ վրացերէն։ 1931–1936 թուականներուն թերթը կոչուած է «Սոցիալիստական անասնաբուծութիւն», 1936–1949 թուականներուն՝ «Բոլշեւիկեան կոլխոզ», 1950–1955 թուականներուն՝ «Օքթոմբերիս դրօշայ», 1956–1961 թուականներուն՝ «Հոկտեմբերի դրօշով», 1961–1964-ին՝ «Կարմիր դրօշ»։

Լուսաբանած է շրջանի տնտեսական, քաղաքական, մշակութային կեանքը, անդրադարձած է Հայաստանի, Արցախի մէջ տեղի ունեցող կարեւոր իրադարձութիւններուն, հայ-վրացական պատմական առնչութիւններուն, տպագրած է շրջանի երիտասարդ ստեղծագործողներու գործեր, նմուշներ՝ Ջաւախքի բանահիւսութենէն եւ այլն։

Խմբագիրներ

Ռուբէն Լուսինեան
Մ. Ազնաւուրեան
Հ. Չոպանեան
Գ. Երմիշեան
Յակոբ Բլրցեան
Վարդան Վարդանեան
Ռ. Թօփալեան
Մաթեւոս Խոցանեան
Մերուժան Շիպակցեան
Յարութիւն Հայրապետեան
Գրիգոր Վարդիկեան
Նիկոլա Ալածիաշուիլի (վրացերէն էջի խմբագիր)

Այս յօդուածի կամ անոր բաժնի որոշակի հատուած վերցուած է «Հայ գրատպություն և գրքարվեստ» հանրագիտարանէն, որու նիւթերը թողարկուած են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թոյլատրագրի ներքոյ։