Փանոս Մանճեան
| Փանոս Մանճեան | |
|---|---|
| Ծնած է | 3 Դեկտեմբեր 1952 (71 տարեկան) |
| Ծննդավայր | Պէյրութ, Լիբանան |
| Քաղաքացիութիւն |
 Լիբանան |
| Մասնագիտութիւն | զինուորական |
Փանոս Մանճեան (3 Դեկտեմբեր 1952, Պէյրութ, Լիբանան[1]), զօրավար, լիբանանեան բանակի սպարապետի օգնական, պետական նախարար[2][3]։
Կենսագրութիւն[Խմբագրել | Խմբագրել աղբիւրը]
Ծնած է 1952-ին Պէյրութ: Նախնական եւ միջնակարգ կրթութիւնը ստացած է Այնճարի «Յառաջ-Գալուստ Կիւլպէնկեան» գոլէճին մէջ: Երկրորդական ուսումը ստացած է Պէյրութի Հայ Աւետարանական Գոլէճին մէջ: Ամուսնացած է եւ ունի երեք զաւակ:
Փանոս Մանճեան կը տիրապետէ չորս լեզուներու` հայերէնի, արաբերէնի, ֆրանսերէնի եւ անգլերէնի[1]:
Ուսում[Խմբագրել | Խմբագրել աղբիւրը]
1972 թուականին մուտք գործած է Լիբանանի սպայից վարժարան, ուրկէ վկայուելով 1975-ին դաեւձած է Լիբանանեան բանակի սպայ:
Բանակին մէջ ծառայած է 38 տարիներ: 2001-ին ստացած է Զօրավարի աստիճան:
Մինչեւ 2010-ը գործած է բանակին մէջ իբրեւ Զօրավար տարբեր պատասխանատու պաշտօններ վարելով:
Հանգստեան կոչուած է Դեկտեմբեր 2010-ին:
Զինուորական մասնագիտութիւն[Խմբագրել | Խմբագրել աղբիւրը]
Զինուորական իր մասնագիտութիւնը եղած է հրասայլերու օգտագործումն ու կառավարումը պատերազմներու ընթացքին: Այս ծիրին մէջ հետեւած է մասնագիտական դասընթացքներու Ամերիկայի Միացիալ Նահանգներուն մէջ: Եղած է վաշտապետ իսկ 2005-2010 ժամամնակամիջոցին նշանակուած է Լիբանանեան բանակի սպարապետի օգնական:
Յունիս 2011-ին մաս կազմած է Լիբանանի Կառավարութեան որպէս պետական նախարար։ Ան ստանձնած է զինուորական պարտականութիւններ Լիբանանի, Միացեալ Նահանգներու, Զուիցերիոյ, Իտալիոյ, Յորդանանի, Սուրիոյ եւ Հայաստանի մէջ[4]:
Շքանշաններ եւ շնորհաւորագրեր[Խմբագրել | Խմբագրել աղբիւրը]
Իր ծառայութեան ընթացքին ստացած է բազմաթիւ շքանշաններ որոնցմէ յատկապէս կարելի է յիշել «Վիրաւորի», «Պատերազմի» եւ «Լիբանանեան Մայրի»-ի շքանշանները:
Ստացած է նաեւ բազմաթիւ շնորհաւորագրեր:
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 «ՀԻՆԳ ԱՄՍՈՒԱՆ ՏԵՂԱՏՈՒՈՒԹԵՆԷ ԵՒ ՁԳՁԳՈՒՄՆԵՐԷ ԵՏՔ ՆԱԽԱԳԱՀԱԿԱՆ ՊԱԼԱՏԸ ՀՐԱՊԱՐԱԿԵՑ ԿԱՌԱՎԱՐՈՒԹԵԱՆ ԿԱԶՄՈՒԹԵԱՆ ՀՐԱՄԱՆԱԳԻՐԸ - Aztag Daily» (en-US)։ արտագրուած է՝ 2020-10-06
- ↑ «Պետական Նախարար Փանոս Մանճեան Այցելեց Զօր. Քահուաժիի - Aztag Daily» (en-US)։ արտագրուած է՝ 2020-10-06
- ↑ «ԱՅՆՃԱՐ. ԺՈՂՈՎՐԴԱՅԻՆ ԸՆԴՈՒՆԵԼՈՒԹԻՒՆ` Ի ՊԱՏԻՒ «ԱՐՄԵՆԻԱ» ԱՌԱԳԱՍՏԱՆԱՒԻ ԱՆՁՆԱԿԱԶՄԻՆ - Aztag Daily» (en-US)։ արտագրուած է՝ 2020-10-06
- ↑ «Սահմանին Կանգնած Զինուորները Մեր Հերոսներն Են. Լիբանանի Բանակի Հայազգի Զօրավարն Իր Անցած Ուղու, Հայկական Բանակի Մասին»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-04-14։ արտագրուած է՝ 2020-10-06