Տուպայի Շատրուան

Տուպայի Շատրուան, (Անգլ. Dubai Fountain) մետաղեայ ու ջրական շատ գեղեցիկ շատրուան, որ տեղակայուած է 12 հեքթար չափ ունեցող արհեստական Պուրժ Խալիֆա Burj Khalifa լիճին վրայ՝ Տուպայ, Արաբական Միացեալ Էմիրութիւններ^[1]։

Շատրուանը նախագծուած է «WET Design» ընկերութեան կողմէ, որ Քալիֆորնիոյ մէջ տեղակայուած է եւ նոյն ընկերութիւնը պատասխանատու է Լաս Վեկասի Պելաժիօ պանդոկին («Bellagio Hotel») լիճին շատրուաններուն։

Շատրուանը ունի 6,600 լամբ եւ 25 գունաւոր լուսարձակ, երկայնքը 275 մեթր է, եւ ջուրը կրնայ թռչիլ մինչեւ 152 մեթր (500 ոտնաչափ) բարձրութեամբ։

Ջուրին բարձրացումները կ'ուղեկցուին տարբեր երաժշտութեամբ՝ դասականէն մինչեւ արդի արաբական ու համաշխարհային երաժշտութիւն։