Տիգրան Փոլատ

Տիգրան Փոլատ;
Ծննդեան անուն	հայ.՝ Տիգրան Պետրոսի Փոլատ
Ծնած է	23 Մարտ 1874
Ծննդավայր	Աղեքսանդրիա, Եգիպտոս
Մահացած է	17 Փետրուար 1950 (75 տարեկանին)
Մահուան վայր	Շարպոն
Քաղաքացիութիւն	Ֆրանսա
Ուսումնավայր	Ժիւլիան Ակադեմիա
Մասնագիտութիւն	գեղանկարիչ, նկարազարդող և նկարիչ-փորագրող

Տիգրան Փոլատ (23 Մարտ 1874(1874-03-23)^[1], Աղեքսանդրիա, Եգիպտոս - 17 Փետրուար 1950(1950-02-17)^[1], Շարպոն), հայ գեղանկարիչ, նկարազարդող։

Կեանք եւ գործունէութիւն

Ծնած է Աղեքսանդրիա (Եգիպտոս)։ Հայրը հայ էր, մայրը՝ լեհ։ Եգիպտոսի ապագայ վարչապետ Նուպար փաշայի սանը։ Նախնական ուսումը ստանալէ ետք ծննդավայրի յիսուսեաններու դպրոցին մէջ, 17 տարեկանին ընտանիքով հաստատուած է Ֆրանսա՝ Փարիզի, ուր յաճախած է «Միշըլէ» լիկէոնը։ Այնուհետեւ, մտած է Փարիզի համալսարանը, ուր ուսանած է իրաւաբանութիւն, բայց իր դոկտորական աւարտաճառը պաշտպանելէ առաջ լքած է ուսումը, նուիրուելու համար արուեստներու։

Մանկութենէն գծագրութեան հանդէպ մեծ սէր ցոյց տուած Փոլատ որոշած է հետեւիլ իր նախասիրութեան, հակառակ հօր ցանկութեան։

Մտած է Ժուլիան գեղարուեստի ակադեմիան, ուր աշակերտած է յայտնի նկարիչ Ժան-Փոլ Լորանսին եւ նոյնքան յայտնի փորագրիչ Բենժամին-Քոնսթանին։

Սորված է նաեւ շարունակած է հայազգի ծանօթ նկարիչ եւ փորագրիչ Էտկար Շահինի (1874-1947) արուեստանոցին մէջ։

Նուիրուելով փորագրութեան, Փոլատ դարձած է գիրքի նկարազարդման նրբաճաշակ ու հմուտ վարպետ, նկարազարդելով Անաթոլ Ֆրանսի, Փոլ Վալերիի, Վիրգիլիոսի գործեր, եւ յատկապէս համբաւի տիրանալով Լաֆոնթէնի «Առակներ»ու ակադեմական հրատարակութեան պատկերազարդումով (1930)։

Անոր արուեստը յատկանշուած է դիտողականութեամբ ու նուրբ արտայայտչականութեամբ, ինչպէս եւ սեւ ու ճերմակի հարուստ երանգաւորումով։

Կարգ մը աշխատանքներ կը գտնուին Հայաստանի ազգային պատկերասրահին մէջ։

Մասնակցած է ֆրանսացի նկարիչ-փորագրիչներու ընկերութեան տարեկան ցուցահանդէսներուն եւ երկու անգամ արժանացած՝ առաջին մրցանակի։

1926-ին անդամակզած է «Անի» հայ արուեստի շրջանակին եւ յաջորդ տարի մասնակցած է այդ խմբակցութեան ցուցահանդէսին աւելի քան 30 աշխատանքներով։

Ընտրուած է ֆրանսացի նկարիչներու սալոնի դատակազմի անդամ։

Բ. համաշխարհային պատերազմի տարիներուն, Փոլատ տեղափոխուած է Շարթրի շրջանի Շարփոն աւանը, ուր իր մահկանացուն կնքած է^[2]։

Ծանօթագրութիւններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr: open data platform — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>
↑ «ՏԻԳՐԱՆ ՓՕԼԱՏ (մահ՝ 17 Փետրուար, 1950)»։ Armenian Prelacy (en-US)։ արտագրուած է՝ 2025-09-03

[<span_class="wikidata_cite_citetype_Q36524_citetype_Q7094076_citetype_Q27031827_citetype_Q595971"_data-entity-id="Q19938912"><i_class="wef_low_priority_links">[[:fr:Bibliothèque_nationale_de_France|Bibliothèque_nationale_de_France]]</i>_data.bnf.fr:_open_data_platform<span_class="wef_low_priority_links">_—_2011.</span></span><div_style="display:none"><a_href="https://wikidata.org/wiki/Track:Q19938912"></a><a_href="https://wikidata.org/wiki/Track:Q54837"></a><a_href="https://wikidata.org/wiki/Track:Q193563"></a></div>-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr: open data platform — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>

[2] «ՏԻԳՐԱՆ ՓՕԼԱՏ (մահ՝ 17 Փետրուար, 1950)»։ Armenian Prelacy (en-US)։ արտագրուած է՝ 2025-09-03

[1]

[2]