Վիքթորիա Պեքհամ

Վիքթորիա Պեքհամ; անգլերէն՝ Victoria Caroline, Lady Beckham
Ծննդեան անուն	անգլերէն՝ Victoria Caroline Adams
Ծնած է	17 Ապրիլ 1974[…] (52 տարեկան)
Ծննդավայր	Հարլոու, Հարլոու, Էսեքս, Էսեքս, Անգլիա, Միացեալ Թագաւորութիւն
Քաղաքացիութիւն	Միացեալ Թագաւորութիւն
Մայրենի լեզու	անգլերէն և Բրիտանական անգլերէն
Ուսումնավայր	Մեծն Բրիտանիոյ Սուրրի շրջանին մէջ քոլէճ և Անգլիոյ, Հարթֆորտշայրի մէջ Երկրորդական վարժարան
Տեսակ	փոփ երաժշտութիւն և Ժամանակակից «Ար եւ Պի»
Մասնագիտութիւն	երգչուհի, դերասանուհի, նորաձեւութեան փորձագէտ, Օրագրող, ձեռնարկատէր, Հեղինակ ու կատարող, նորաձեւութեան կերպար, երգահան և երաժիշտ
Ամուսին	Տէյվիտ Պէքհամ
Երեխաներ	Պրուքլին Պեքհամ, Ռոմիօ Պեքհամ, Քրուզ Պեքհամ և Հարփըր Պեքհամ
Կայքէջ	victoriabeckham.com(անգլերէն)

Վիքթորիա Քարոլայն Լէյտի Պեքհամ (17 Ապրիլ 1974(1974-04-17)^[1]^[2]^[3]^[…], Հարլոու, Հարլոու, Էսեքս, Էսեքս, Անգլիա, Միացեալ Թագաւորութիւն) անգլիացի նորաձեւութեան փորձագէտ, երգչուհի եւ հեռատեսիլային անձնաւորութիւն։

1990-ականներուն կը հռչակուի «Spice Girls» փոփ խումբի անդամ, ուր իրեն տրուած էր «Posh Spice» մակդիրը։

2000-ին Խումբին կազմալուծուելէն ետք, Պեքհամ պայմանագիր մը կը կնքէ «Virgin Records»-ին հետ՝ հրապարակելու իր առաջին անհատական ալպոմը՝ «Victoria Beckham», որուն մէջ կային Միացեալ Թագաւորութեան լաւագոյն տասնեակին մէջ տեղ գրաւած երկու երգ։

Պեքհամ հետագային կը դառնայ միջազգային ճանաչում ունեցող ոճային խորհրդանիշ եւ նորաձեւութեան փորձագէտ։

Պեքհամ նկարահանուած է եօթը պաշտօնական վաւերագրական հաղորդումներու մէջ, ներառեալ «Victoria's Secrets» (2000), «Being Victoria Beckham» (2002), «The Real Beckhams» (2003), «Victoria Beckham – A Mile in Their Shoes» (2004), «Victoria Beckham: Coming to America» (2007), «Beckham» (2023) եւ «Netflix»-ի «Victoria Beckham (2025)» վաւերագրականը։

Ամուսնացած է նախկին ոտնագնդակի աստղ Սըր Տէյվիտ Պեքհամի հետ, եւ անոնք ունին չորս զաւակ։

Մայիս 2019-ի դրութեամբ, զոյգին համատեղ հարստութիւնը կը գնահատուէր շուրջ 355 միլիոն ֆունտ սթերլինկով։

Տարբեր վաճառանիշներու հետ, բազմաթիւ բարձր մակարդակի համագործակցութիւններէ ետք, Պեքհամ 2008-ին կը հիմնէ իր անունը կրող նորաձեւութեան վաճառանիշը։

2011-ին, «Victoria Beckham» վաճառանիշը Մեծն Բրիտանիոյ մէջ կը կոչուի տարուան ձեւաւորողի վաճառանիշ, իսկ 2012-ին կը գնահատուի իբրեւ Պեքհամ ընտանիքի գործարար շահերուն մէջ ամէնէն յաջողակը։

2011-ին «Daily Telegraph»-ին մէջ գրելով՝ Պելինտա Ուայթ կը նշէ, որ Պեքհամի անցումը «WAG»-էն դէպի նորաձեւութեան փորձագէտ աւելի յաջող էր, քան շատերը կը սպասէին, աւելցնելով․ «Ան ձեռք բերած է զգալի ճանաչում յայտնի անձանց շրջանակին մէջ եւ շահած է խիստ քննադատող նորաձեւութեան շրջանակներուն համակրանքը, որոնք այժմ կը ձգտին ներկայ գտնուիլ անոր կիսամեայ ցուցադրութիւններուն՝ Նիւ Եորքի Նորաձեւութեան Շաբաթին»^[5]։

Պեքհամ 2017-ի Նոր Տարուան պատուանշաններուն ընթացքին կը նշանակուի «Բրիտանական Կայսրութեան Շքանշանի սպայ» (OBE), իսկ 2026-ին կը պարգեւատրուի «Ordre des Arts et des Lettres»-ի ասպետի աստիճանով՝ նորաձեւութեան ոլորտին մատուցած ծառայութիւններուն համար^[6]^[7]։

Հետաքրքրական փաստեր

Վիքթորիայի ձեւաւորումները սկզբնական շրջանին կը քննադատուին, սակայն ժամանակի ընթացքին նոյն քննադատները կը սկսին գնահատել իր նուրբ եւ բարձրորակ ոճը։
Պեքհամ կը հետեւի կանոնաւոր մարզանքի եւ սննդականոնի, ինչ որ կը պահպանէ իր բարեձեւութիւնը։
Իր ամուսնական կեանքը երկար տարիներ լրատուամիջոցներու ուշադրութեան կեդրոն եղած է։
Ինք եւ Տէյվիտ առաջին անգամ հանդիպած են ոտնագնդակի խաղի մը ընթացքին, եւ կ'ըսէ, թէ պահած է այն թուղթը, որուն վրայ Տէյվիտ գրած էր հեռաձայնի թիւը։
Ան յաճախ լուսանկարներուն մէջ չի ժպտիր, եւ ինք ըսած է, թէ կը զգայ, որ ժպիտը չի համապատասխաներ իր նորաձեւութեան լուրջ կերպարին։
Զաւակներուն դաստիարակութիւնը միշտ առաջնահերթութիւն եղած է իրեն համար, եւ ան փորձած է համադրել ընտանեկան կեանքն ու գործը։

Ծանօթագրութիւններ

1 2 3 Person Profile // Internet Movie Database — 1990.
<a href='https://wikidata.org/wiki/Track:Q37312'></a>
1 2 http://www.aveleyman.com/ActorCredit.aspx?ActorID=27627
1 2 RKDartists
<a href='https://wikidata.org/wiki/Track:Q17299517'></a>
↑ (unspecified title) — 1988.
<a href='https://wikidata.org/wiki/Track:Q257303'></a>
↑ Նորաձեւութեան աստղ
↑ Վիքթորիա Պեքհամ
↑ Տէյվիտ Պէքհամի կինը

[<span_class="wikidata_cite_citetype_Q3491832_citetype_Q55341040_citetype_Q847959_citetype_Q84863712_citetype_Q24579448_citetype_Q130735522_citetype_Q783794"_data-entity-id="Q37312">[http://www.imdb.com/name/nm0065751/_Person_Profile]_//_Internet_Movie_Database<span_class="wef_low_priority_links">_—_1990.</span></span><div_style="display:none"><a_href="https://wikidata.org/wiki/Track:Q37312"></a></div>-1] 1 2 3 Person Profile // Internet Movie Database — 1990.
<a href='https://wikidata.org/wiki/Track:Q37312'></a>

[[http://www.aveleyman.com/ActorCredit.aspx?ActorID=27627_http://www.aveleyman.com/ActorCredit.aspx?ActorID=27627]<span_class="wef_low_priority_links"></span><div_style="display:none"></div>-2] 1 2 http://www.aveleyman.com/ActorCredit.aspx?ActorID=27627

[<span_class="wikidata_cite_citetype_Q36570165"_data-entity-id="Q17299517">RKDartists<span_class="wef_low_priority_links"></span></span><div_style="display:none"><a_href="https://wikidata.org/wiki/Track:Q17299517"></a></div>-3] 1 2 RKDartists
<a href='https://wikidata.org/wiki/Track:Q17299517'></a>

[<span_class="wikidata_cite_citetype_Q2826641_citetype_Q1394657_citetype_Q166140"_data-entity-id="Q257303">''(unspecified_title)''<span_class="wef_low_priority_links">_—_1988.</span></span><div_style="display:none"><a_href="https://wikidata.org/wiki/Track:Q257303"></a></div>-4] (unspecified title) — 1988.
<a href='https://wikidata.org/wiki/Track:Q257303'></a>

[5] Նորաձեւութեան աստղ

[6] Վիքթորիա Պեքհամ

[7] Տէյվիտ Պէքհամի կինը

[1]

[2]

[3]

[4]

[5]

[6]

[7]