Վերղինա

Վերղինա
Եունեսքոյի Համաշխարհային Ժառանգութեան Յուշարձան; Վերղինայի Հնաբանական վայր;
	Վերղինա
	Βεργίνα
	Վերղինա․ Փիլիպոս Բ․-ի դամբանը
Երկիր	Յունաստան
Տարածութիւն	Գիւղաքաղաք՝ 69.0,; Հնաբանական վայր՝; 1,420.81 ակր; (0,01420) քմ²
ԲԾՄ	120 մեթր
Բնակչութիւն	1096 մարդ (2021), 1197 մարդ (2001), 1198 մարդ (1991) և 1242 մարդ (2011)
Եունեսքօ	780, արձանագրուած՝ 1996

Վերղինա (յուն․՝ Βεργίνα)․ գիւղաքաղաք, Մակեդոնիա, Յունաստան։ Կը գտնուի Վերիային հարաւ-արեւելքը եւ Թեսաղոնիկէին հարաւ-արեւմուտքը։ Վերղինա կը գտնուի հին Էղեսի (եղած է Մակեդոնական թագաւորութեան մայրաքաղաք), տեղը։ Հանրածանօթ եղաւ 1977-ին երբ Թեսաղոնիկէի Արիստոթելեան Համալսարանի ուսանողներ հնաբանութեան դասախօսին՝ Մանոլիս Անդրոնիքոսին հովանավարութեամբ, իրենց կատարած պեղումներուն ընթացքին կը յայնաբերեն Մակեդոնացի թագաւորներուն թաղման վայրը։ Անոնց մէջն էր նաեւ դամբան-յուշարձան մը, որ ըստ Մանոլիս Անդրոնիքոսին, կը պատկանէր Փիլիպոս Բ․ թագաւորին՝ Մեծն Աղեքսանտրի հօր։

Գիւղաքաղաքին բնակչութեան թիւը 2 000 է։ Վերղինա կը գտնուի ծովու մակերեսէն 120մ․ բարձրութեան վրայ։

Արձանագրուած է Եունեսքոյի Համաշխարհային Ժառանգութեան Յուշարձան (780 թիւ):

Պատմական հակիրճ տեղեկութիւններ

Հնադար

(տե՛ս բուն արձանագրութիւն՝ Էղես)

Ք․Ա․650-ին, Արղէադեսները (հին յունական թագաւորական գերդաստան) Արղոսէն կը մեկնին դէպի հիւսիս եւ կը հիմնեն Էղես եւ Մակեդոնիոյ թագաւորութիւնը։ Անոնք Էղեսէն կը տարածուին կեդրոնական Մակեդոնիա։ Կը տեղահանեն Բիերիային տեղւոյն բնակչութիւնը։ Ք․Ա․550-էն ետք, մակեդոնացիներ հոն կը հաստատուին եւ Արխելաոս Ա․ (Ք․Ա․413-Ք․Ա․399) Մակեդոնիոյ մայրաքաղաքը Բելային հիւսիսը կը փոխադրէ։

Բիերիա եւ Վոթիէա եղած էին Մակեդոնիոյ պետութեան կեդրոնը։ Ք․Ա․ 479-ին, Մակեդոնացի թագաւոր Աղեքսանտր Ա․ պարսիկներուն կը յաղթէ եւ պետութիւնը կ՛ազատագրէ։ Այդ ժամանակաշրջանին, Մակեդոնիոյ մայրաքաղաքը Էղեսն էր (կը նոյնանայ այսօրուան Վերղինային)։Ք․Ա․ 413-ին Արխելաոս Ա․ մայրաքաղաքը Բելա կը փոխադրէ։