Վարսէն Աղաբեկեան
| Վարսէն Աղաբեկեան | |
 | |
| Կրթութիւն՝ | Փերտյու համալսարան, Փիթսպուրկի համալսարան և Սուրբ Գեորգի դպրոց? |
|---|---|
| Մասնագիտութիւն՝ | համալսարանի դասախօս, պատմաբան և քաղաքական գործիչ |
| Ազգութիւն | Հայ |
| Դաւանանք | քրիստոնէութիւն |
| Ծննդեան օր | 1958 |
| Ծննդավայր | Յորդանան |
| Քաղաքացիութիւն |  Պաղեստին |
Վարսէն Աղաբեկեան (1958, Յորդանան), պաղեստինահայ պատմաբան, քաղաքական գործիչ։ Պաղեստինի արտաքին գործերու ու գաղթականութեան հարցերով պետնախարար (2024)[1][2]։ Պաղեստինի եկեղեցական գործերու բարձրագոյն նախագահական կոմիտէի անդամ։
Կենսագրութիւն
[Խմբագրել | Խմբագրել աղբիւրը]Վարսէն Աղաբեկեանը ծնած է 1958 թուականին, Յորդանան։ 1983 թուականին մագիստրոսի կոչում ստացած է Փերտյու համալսարանին մէջ, Ինտիանա, ԱՄՆ, քաղաքական հարցերու դոկտորի կոչում՝ Փիթսպուրկի համալսարանին մէջ[1]։ Աշխատած է Երուսաղէմի համալսարանին մէջ, եղած է Ալ-Քուտսի համալսարանի Հանրային առողջութեան դպրոցի եւ Առողջապահական մասնագիտութիւններու ֆակուլտետի դոցենտ (1988-2008), ինչպէս նաեւ նոյն համալսարանի Առողջապահական մասնագիտութիւններու դեկան (1995–1998) եւ աւարտական ուսուցման դեկան (1998-2000)։ Շարք մը խորհուրդներու անդամ է, ինչպէս՝ Մարդու իրաւունքներու պաղեստինեան անկախ յանձնաժողովի (2006–2018, վերջին երեք տարիներու ընթացքին ծառայած է որպէս գլխաւոր յանձնակատար)։ Աշխատած է Պաղեստինի նախագահի գրասենեակին մէջ՝ որպէս կարողութիւններու եւ կառոյցներու զարգացման ծրագրի ղեկավար[3]։
2024 թուականի Մարտին նշանակուած է Պաղեստինի արտաքին գործերու ու գաղթականութեան հարցերով պետնախարար։ Կառավարութեան ծրագիրը առաջնահերթութիւն կու տայ մարդասիրական խնդիրներուն՝ ընդգրկելով Կազայի հատուածին մէջ պաղեստինցի ժողովուրդին մարդասիրական օգնութեան համապարփակ ծրագիր, ինչպէս նաեւ Կազայի հատուածի եւ Արեւմտեան ափի վերականգնման ջանքեր։ Այն նաեւ կը կեդրոնանայէ ֆինանսական իրաջիճակի եւ անոր տնտեսական ազդեցութեան կայունացման ուղղուած ջանքերու վրայ[1]։
Աղաբեկեանը Երուսաղէմի, առողջութեան, կրթութեան, երիտասարդութեան եւ կանանց մասին շարք մը ուսումնասիրութիւններու, ձեռնարկներու եւ զեկոյցներու հեղինակ է։
Գիրքեր
[Խմբագրել | Խմբագրել աղբիւրը]- A Palestinian Armenian: The Intertwine between the Social and the Political[4]
Ծանօթագրութիւններ
[Խմբագրել | Խմբագրել աղբիւրը]- 1 2 3 MassisPost (2024 թ․ մարտի 29)։ «Palestinian Armenian Varsen Aghabekian Appointed Minister of State for Foreign Affair in New Government • MassisPost»։ MassisPost (en-US)։ արտագրուած է՝ 2024 թ․ մարտի 30
- ↑ Վարսեն Աղաբեկյանը նշանակվել է Պաղեստինի արտաքին գործերի ու միգրացիայի հարցերով պետնախարար
- ↑ An Armenian Palestinian herself, author Aghabekian has had a leading role within the Palestinian community
- ↑ «A Palestinian Armenian: The Intertwine Between The Social And The Poli»։ EducationalBookshop։ արտագրուած է՝ 2024 թ․ մարտի 30