Վարսակ

Վարսակ (լատ.՝ Avéna satíva), միամեայ խոտաբոյս, լայնօրէն կ'օգտագործուի հացազգիներու գիւղատնտեսութեան մէջ։

Վարսակին սերմերը կը ծլին +2°С ջերմաստիճանին, ծիլերը կը դիմանան ցուրտի։

Վարսակին բարիքները

Հասուն վարսակ

Վարսակը օժտուած է բուժիչ յատկութիւններով:

Կենսանիւթերով, բնաթելելով եւ բնասպիտով հարուստ վարսակին բուժիչ յատկութիւնները անհամար են.

• Կը հաւասարակշռէ շաքարին տոկոսը արեան մէջ:
• Կը նուազեցնէ գէշ քոլեսթերոլին տոկոսը:
• Կը բարելաւէ մարսողութիւնը:
• Կը պաշտպանէ որոշ տեսակի քաղցկեղներէն:
• Կը կանխարգիլէ ոսկրափտութիւնը:
• Կը հաւասարակշռէ արեան գերճնշումը:
• Կը կազդուրէ եւ ուժ կը հայթայթէ:
• Կը դարմանէ անքնութիւնը:
• Միզեցնող է եւ կ'արգիլէ ջուրի կուտակումը մարմնին մէջ:
• Կը թարմացնէ մորթը, կը դարմանէ բշտիկները:

Վարսակի փաթիլներու տարբերակներ

Նախաճաշի ընթացքին, կաթին, մածունին կամ պտուղի հիւթին աւելցնելով`«քորն ֆլեքս»ի փոխարէն:

Կրկնեփի եւ կարկանդակի պատրաստութեան մէջ:

Ապուրներուն մէջ:

Աղցաններուն մէջ:

Առողջապահական հացերու պատրաստութեան մէջ:

Կսկուծի փոշիի փոխարէն մսեղէնները կամ ձկնեղէնները աւելի խրթխրթան դարձնելու համար: