Վարուժան Գոճեան

Վարուժան Գոճեան
Ծնած է 12 Մարտ 1935(1935-03-12)[1]
Ծննդավայր Պէյրութ, Լիբանան[2]
Մահացած է 4 Մարտ 1993(1993-03-04)[1] (57 տարեկանին)
Մահուան վայր Սանթա Պարպարա, Քալիֆորնիա, Ամերիկայի Միացեալ Նահանգներ
Քաղաքացիութիւն  Ամերիկայի Միացեալ Նահանգներ
Ուսումնավայր Փարիզի Երաժշտանոց
Մասնագիտութիւն խմբավար, ջութակահար

Վարուժան Հայկ Գոճեան 12 Մարտ 1935(1935-03-12)[1], Պէյրութ, Լիբանան[2] - 4 Մարտ 1993(1993-03-04)[1], Սանթա Պարպարա, Քալիֆորնիա, Ամերիկայի Միացեալ Նահանգներ, հայ ջութակահար եւ խմբավար։ Հանրայայտ դաշնակահար, երաժիշտ Ժագ Գոճեանի եղբայրը:

Ջութակահար Միհրան Գոճեանին եղբայրը։

Կենսագրութիւն[Խմբագրել | Խմբագրել աղբիւրը]

Գոճեան ծնած է Պէյրութի։ Նախնական կրթութիւնս ստացած է «Մեսրոպեան» վարժարանին մէջ։ Ութ տարեկանին սկսած է ջութակի դասեր առնել: Առաջին դասատուն եղած է հայրը: Ապա ինը ամիս աշակերտած է Օննիկ Սիւրմէլեանին: Հազիւ 11 տարեկան պատանի, իր վրայ ուշադրութիւն հչարիրած է՝ իբրեւ տաղանդաւոր ջութակահար։

1949 թուականին, «Մեսրոպեան» վաժարանէն թերաւարտ, գացած է Փաիզ եւ յաճախած Մխիթարեաններու «Մուրատ-Ռաֆայէլեան» վարժարանը։ Չորս տարի հետեւեցած է Փարիզի Պետական Երաժշտանոցի դասընդացքներուն։

1952 թուականին ջութակի առաջին մրցանակով աւարտած է Փարիզի երաժշտանոցը, ապա՝ Ֆիլատելֆիոյ երաժշտանոցը։ 1956 թուականին Լոս Անճելըսի Ֆիլհարմոնիքի մէջ եղած է խմբավար։ 1968 թուականին Լոս Անճելըսի մէջ հիմնադրած է Հայ սիմֆոնիք երաժշտութեան ընկերութիւնը, որուն դիրիժորն եղած է։

Իբրեւ ջութակահար՝ հանդէս եկած է Միացեալ նահանգներու, Եւրոպա-ի , Միջին Արեւելքի մէջ։ Ղեկավարած է Չիքակո-ի, Նիւ Եորքի, Ֆիլատելֆիոյ սիմֆոնիք նուագախումբերը։ 1973-1980 թուականներուն եղած է Սթոքհոլմի սիմֆոնիք նուագախումբի գլխաւոր դիրիժորը, նոյն ժամանակ՝ Սիէթլի սիմֆոնիք նուագախումբի ղեկավար, 1981-1984 թուականներուն՝ Եութայի սիմֆոնիք նուագախումբի ղեկավար, 1985 թուականէն՝ Սանթա Պարպարայի սիմֆոնիք նուագախումբի անդամ, ետքը՝ ղեկավար[3][4]:

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 1,2 1,3 1,4 Bibliothèque nationale de France data.bnf.fr: open data platform — 2011.
  2. 2,0 2,1 2,2 (unspecified title) — 2017.
  3. Ով ով է. Հայեր. Կենսագրական հանրագիտարան, հատոր առաջին, Երեւան, 2005 
  4. Սիսակ Վարժապետեան, Հայերը Լիբանանի մէջ: Հանրագիտարան Լիբանանահայ գաղութի, հ. Գ, Պէյրութ, էջ 170-171։

Արտաքին յղումներ[Խմբագրել | Խմբագրել աղբիւրը]