Վարդուհի Խաչատրեան (օփերայի երգչուհի)
| Վարդուհի Խաչատրեան | |
|---|---|
 | |
| Ծնած է | 20 Նոյեմբեր 1971 (54 տարեկան) |
| Ծննդավայր | Երեւան, Խորհրդային Միութիւն |
| Քաղաքացիութիւն |
 Խորհրդային Միութիւն և  Հայաստան |
| Ուսումնավայր | Ռոմանոս Մելիքեանի անուան երաժշտական ուսումնարան և Երեւանի Կոմիտասի անուան պետական երաժշտանոց |
| Մասնագիտութիւն | օպերային երգչուհի |
| Ծնողներ | հայր՝ Ալբերտ Խաչատրյան? |
| Կայքէջ | varduhikhachatryan.com |
Վարդուհի Ալպերթի Խաչատրեան (20 Նոյեմբեր 1971, Երեւան, Հայկական ԽՍՀ, ԽՍՀՄ), հայ օփերային երգչուհի (մեցցօ-սոփրանօ)։
օփերային երգիչ, ՀԽՍՀ ժողովրդական արուեստագէտ՝ Ալպերթ Խաչատրեանի դուստրը։
Կենսագրութիւն
[Խմբագրել | Խմբագրել աղբիւրը]Վարդուհի Խաչատրեանը ծնած է 20 Նոյեմբեր 1971-ին, Երեւան, ՀԽՍՀ ժողովրդական արուեստագէտ Ալպերթ Խաչատրեանի ընտանիքին մէջ։ 1986-1990 թուականներուն ուսանած է Երեւանի Ռոմանոս Մելիքեանի անուան երաժշտական ուսումնարանին մէջ (Վլադիմիր Խաչատրեանի դասարան), 1990-1995 թուականներուն՝ Երեւանի Կոմիտասի անուան պետական կոնսերվատորիային մէջ (Մարիաննա Յարութիւնեանի դասարան)։ 1995-1997 թուականներուն աշակերտած է Գոհար Գասպարեանին[1]։
Առաջնաելոյթը կայացած է 1996 թուականին Երեւանի Ալեքսանդր Սպենդիարեանի անուան օփերայի եւ բալետի ազգային ակադեմիական թատրոնին մէջ, ուր Տիգրան Չուխաճեանի «Արշակ Երկրորդ» օփերային մէջ կատարած է Փառանձեմի դերերգը։
1997-ին ան յետընթացաւարտ (post-graduate) վկայական ստացած է Երեւանի Կոնսերվատորիայէն, ապա կատարելագործած է իր ձայնային վարպետութիւնը Իտալիոյ մէջ՝ Վիրճինիա Զէանիի (Virginia Zeani) մօտ։ Վարդուհի Խաչատրեան նաեւ մասնակցած է Ժանեթ Պէյքըրի (Janet Baker) վարպետութեան դասընթացքներուն (master-class) Պելճիքայի մէջ, եւ Թերեզա Պերկանզայի (Teresa Berganza) մօտ՝ Քանատայի մէջ։ Ներկայիս ան կը նախատեսէ երաժշտական մանկավարժութեան վկայական ստանալ Ժընեւի երաժշտական բարձրագոյն դպրոցին մէջ (Haute école de musique de Genève)[2]։
1997-2004 թուականներուն Սպենդիարեանի անուան օփերայի եւ պալեթի ազգային ակադեմիական թատրոնին մէջ հանդէս եկած է շարք մը օփերաներու մէջ` Ժորժ Պիզէի «Քարմէն», Փէոտր Չայկովսկիի «Պիկովայա Տամա» (Փոլինա), Ճուզեպպէ Վերտիի «Դրուպատուր» (Ազուչենա), Պելլինիի «Նորմա» (Ատալկիսա), Ճուզեպպէ Վերտիի «Այտա»։ 1999 թուականին Լոս Անճելըսի մէջ ներկայացուցած է Արմէն Տիգրանեանի «Անուշ» օփերային մէջ[1]։
Ելոյթ ունեցած է Սպանիոյ «Festival Castell de Peralada», Իտալիոյ «Musicastello» եւ «Festival Euro Mediterraneo», Ֆրանսայի «Festival Flaneries Musicales d’Eté in Reims» եւ «Festival d’Ambronay» եւ այլն, հանդէս եկած է Մոնսէրատ Քապալիէի, Խօսէ Քուրայի, Անկելա Ճորճուի եւ այլոց հետ[1][3]։
2010 թուականին «Վերադարձի» փառատօնի շրջագիծէն ներս հանդէս եկած է «օփերային դիմակներ» համերգային ծրագրին մէջ[4]։
Կ՚ապրի եւ կը ստեղծագործէ Զուիցերիոյ մէջ[5]։ 2011 թուականին հիմնադրած է «Աւետիս» ասոցիացիան[6], որ Եւրոպայի մէջ կը տարածէ հայ մշակոյթը եւ կը ներկայացնէ հայ երաժիշտներուն[7]։
Մրցանակներ
[Խմբագրել | Խմբագրել աղբիւրը]Մասնակցած է բազմաթիւ միջազգային մրցոյթներու ու փառատօներու, արժանացած է միջազգային մրցանակներու։
Դերերգեր
[Խմբագրել | Խմբագրել աղբիւրը]| Հեղինակ | օփերայ | Դեր |
|---|---|---|
| Տիգրան Չուխաճեան | «Արշակ Երկրորդ» | Փառանձեմ |
| Ճորճ Պիզէ | Քարմէն | Քարմեն |
| Փէօտր Չայկովսկի | Փիկովայա տամայ | Փոլինա |
| Ճուզեպպէ Վերտի | Դրուպատուր | Ազուչենա |
| Պելլինի | Նորմա | Ատալժիզա |
| Ճուզեպպէ Վերտի | Այտա | |
| Արմէն Տիգրանեան | Անուշ |
Ծանօթագրութիւններ
[Խմբագրել | Խմբագրել աղբիւրը]- 1 2 3 Վարդուհի Խաչատրյանի կենսագրությունը zarkfoundation.com կայքում
- ↑ (ֆրանսերեն) Varduhi Khachatryan, 2024-11-22, https://fr.wikipedia.org/w/index.php?title=Varduhi_Khachatryan&oldid=220523491, վերցված է 2026-06-09
- ↑ «Հայ երգչուհին՝ Կաբալիեի, իր խենթ Ազուչենայի եւ Հայաստանի մասին»
- ↑ Հայտնի օպերային երգչուհի Վարդուհի Խաչատրյանը համերգով կբացի «Վերադարձի» փառատոնը Երևանում
- ↑ «Արդյոք հիշո՞ւմ են իմ բեմական 20-ամյակի մասին»
- ↑ «ASSOCIATION AVETIS»։ www.avetis.ch։ արտագրուած է՝ 2018 թ․ դեկտեմբերի 4
- ↑ Խատիա Բունիաթիշվիլին Ժնեւում Կոմիտաս եւ Բաբաջանյան կկատարի