Վաչէ եւ Թամար Մանուկեան մատենադարան

«Վաչէ եւ Թամար Մանուկեան» մատենադարան, մատենադարան Հայաստանի Հանրապետութեան Վաղարշապատ քաղաքին մէջ^[1]։

Պատմութիւն[Խմբագրել | Խմբագրել աղբիւրը]

Մատենադարանի նոր շէնքի պաշտօնական բացումը տեղի ունեցեր է 2012 թուկանի Հոկտեմբեր 18-ին Մայր Աթոռ Սուրբ Էջմիածնի մէջ՝ հանդիսապետութեամբ Ն.Ս.Օ.Տ.Տ. Գարեգին Բ Ծայրագոյն պատրիարք եւ Ամենայն Հայոց Կաթողիկոսի, մասնակցութեամբ Հայաստանի Հանրապետութեան նախագահ Սերժ Սարգսեանի ու Ս. Էջմիածնի մատենադարանի բարերարներ լոնտոնաբնակ տէր եւ տիկին Վաչէ եւ Թամար Մանուկեաններու^[2], որոնց անունով ալ կը կոչուի նորակառոյց հաստատութիւնը՝ Ս. Էջմիածնի «Վաչէ եւ Թամար Մանուկեան» մատենադարան:

Կառոյց[Խմբագրել | Խմբագրել աղբիւրը]

Մատենադարանի շէնքը երկյարկ քարակերտ կառոյց է՝ նկուղային յարկով: Իւրաքանչիւր յարկի մակերեսը 1500 քմ է, նկուղինը՝ 1000 քմ: Նկուղային յարկին վրայ տեղաւորուած են գրապահոցները եւ օժանդակ սենեակները, առաջին յարկին՝ նախասարահը, վարչական մասը, ընթերցասրահը, հանդիասրահը եւ ցուցասրահները: Երկրորդ յարկին վրայ գիտական աշխատասենեակներն են, հնատիպ գիրքերու ընթերցասրահը, իւրօրինակ հանդիսասրահը՝ նախատեսուած միջազգային գիտաժողովներու համար, խորհրդակցութիւններու սենեակը եւ ցուցասրահը:

Մատենադարանի շէնքը կառուցուեր է ճարտարապետ Արտակ Ղուլեանի նախագիծով. Հեղինակը միախառներ է ժամանակակից եւ հայկական աւանդական ճարտարապետական ոճերը: