Վահրամ Մավեան

Վահրամ Մավեան;
Ծնած է	27 Յունիս 1926
Ծննդավայր	Երուսաղէմ, Բրիտանական կայսրութիւն
Մահացած է	11 Յունուար 1983 (56 տարեկանին)
Մահուան վայր	Լիզպոն
Քաղաքացիութիւն	Մանդատային Պաղեստին
Ուսումնավայր	Սրբոց Թարգմանչաց Վարժարան և Քուինզ Համալսարան
Մասնագիտութիւն	բանաստեղծ, գրագէտ և հանրային գործիչ
Աշխատավայր	Նարեկ Հայկական Վարժարան, Մելգոնեան Կրթական Հաստատութիւն և Գալուստ Կիւլպէնկեան Հիմնարկութիւն

Վահրամ Մավեան (27 Յունիս 1926(1926-06-27)^[1], Երուսաղէմ, Բրիտանական կայսրութիւն - 11 Յունուար 1983(1983-01-11)^[1], Լիզպոն), սփիւռքահայ բանաստեղծ եւ արձակագիր։

Կեանք եւ գործունէութիւն

Ծնած է Երուսաղէմ^[2]։ Հայրը` Յակոբ քհնյ. Մավեան (1884-1941), բնիկ զէյթունցի, տարագրութեան երկար ճամբաները կտրելէ ետք, 1922-ին հաստատուած է Երուսաղէմ:

Վահրամ դեռ քանի մը ամսու երեխայ, ընտանեօք փոխադրուած են Հայֆա։ Այստեղ մնալով եօթը տարի, յաճախած է տեղւոյն ազգային մանկապարտէզը:

1934-ին Վահրամ վերադարձած է Երուսաղէմ, ուր աշակերտած է Սրբոց Թարգմանչաց վարժարանին, մինչ իր հայրը չորս տարի հովիւ կը նշանակուի Ամմանի հայոց: Նախակրթարանը աւարտելէ ետք, ան իր երկրորդական ուսումը ստացած է քաղաքին անգլիական «Պիշըփ Կոպաթ» քոլեճին մէջ (1940-1944):

1948-ին, Պաղեստինի արաբ-հրեայ բախումներու թէժ օրերու նախօրէին, անցած է Կիպրոս, ուր նշանակուած է ուսուցիչ՝ Նիկոսիոյ Ազգային Մելիքեան վարժարանին: Երկու տարի ետք հրաւիրուած է պաշտօնավարելու նոյն քաղաքի ՀԲԸՄ-ի Մելգոնեան կրթական հաստատութեան մէջ, ուր 1950-58-ին դասաւանդած է հայերէն, երկրաչափութիւն:

Թոքախտի պատճառով Մավեան ստիպողաբար անցած է Լիբանան՝ 1954-ին, եւ շուրջ տարի մը մնայուն դարմանումի ենթարկուած է Ազունիէի ազգ. բուժարանը (լեռնային շրջան, յատուկ թոքախտանոց):

1958-ին, ժամանակաւորապէս, Կիպրոսէն մեկնած է Պելֆասթ (Հիւսիսային Իրլանտա)։ Երեք տարի հետեւելէ ետք անգլիական գրականութեան, հոգեբանութեան եւ իմաստասիրութեան դասընթացքներուն` աւարտած է «Քուինզ եունիվըրսիթի»ն, 1961-ին:

Վերադառնալով Կիպրոս, երկու տարի եւս ուսուցչագործած է Մելգոնեանի մէջ (1961-63):

1962-էն սկսեալ ան կանոնաւոր կերպով աշխատակցած է Անդրանիկ Ծառուկեանի «Նայիրի» շաբաթաթերթին։

1963–ին հաստատուած է Լիզպոն, Փորթուկալ, Գալուստ Կիւլպէնկեան հիմնարկութեան հայկական բաժինին մէջ վարելու պատասխանատու պաշտօն^[2]։

Գրած է կանուխէն։ Առաջին հատորը՝ «Յամեցող վերադարձ» (բանաստեղծութիւններ), լոյս տեսած է 1956 թուականին։ Հետեւեալ տասնամեակներուն արտադրած է պատմուածքներու եւ գրական շունչով յագեցած քրոնիկներու հատորներ՝ «Հայու բեկորներ» (1967), «Անկապ օրագիր» (1968), «Ամէն տեղ հայ կայ» (1977)^[3], որոնք տպուած են Երուսաղէմ^[4]։ Հատընտիր մըն ալ լոյս տեսած է Երեւան։

Մահացած է Լիզպոն։

Ծանօթագրութիւններ

↑ ^1,0 ^1,1 ^1,2 ^1,3 ^1,4 WorldCat Entities — OCLC, Inc., 2022.
<a href="https://wikidata.org/wiki/Track:Q112122720"></a><a href="https://wikidata.org/wiki/Track:Q190593"></a>
↑ ^2,0 ^2,1 admina (2018-03-07)։ «Armenians in Mitrokhin’s KGB notes»։ Aniarc (en-US)։ արտագրուած է՝ 2022-01-20
↑ «Յաւերժական Երուսաղէմ – 12. Երուսաղէմցի Տղան` Վահրամ Մավեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-12-29։ արտագրուած է՝ 2022-01-20
↑ «Սերունդներու Միջեւ»։ Asbarez - Armenian (en-US)։ 2021-12-21։ արտագրուած է՝ 2022-01-20

[<span_class="wikidata_cite_citetype_Q111598731_citetype_Q35127"_data-entity-id="Q112122720">[[:en:WorldCat_Entities|WorldCat_Entities]]<span_class="wef_low_priority_links">_—_[[:en:OCLC|OCLC,_Inc.]],_2022.</span></span><div_style="display:none"><a_href="https://wikidata.org/wiki/Track:Q112122720"></a><a_href="https://wikidata.org/wiki/Track:Q190593"></a></div>-1] 1,0 ^1,1 ^1,2 ^1,3 ^1,4 WorldCat Entities — OCLC, Inc., 2022.
<a href="https://wikidata.org/wiki/Track:Q112122720"></a><a href="https://wikidata.org/wiki/Track:Q190593"></a>

[:0-2] 2,0 ^2,1 admina (2018-03-07)։ «Armenians in Mitrokhin’s KGB notes»։ Aniarc (en-US)։ արտագրուած է՝ 2022-01-20

[3] «Յաւերժական Երուսաղէմ – 12. Երուսաղէմցի Տղան` Վահրամ Մավեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-12-29։ արտագրուած է՝ 2022-01-20

[4] «Սերունդներու Միջեւ»։ Asbarez - Armenian (en-US)։ 2021-12-21։ արտագրուած է՝ 2022-01-20

[1]

[2]

[3]

[4]