Վահան Քոչար

Վահան Քոչար
Ծնած է 25 Յունուար 1949(1949-01-25)
Ծննդավայր Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Մահացած է 17 Հոկտեմբեր 2020(2020-10-17)[1] (71 տարեկանին)
Մահուան վայր Երեւան, Հայաստան
Քաղաքացիութիւն  Հայաստանի Խորհրդային Ընկերվարական Հանրապետութիւն
 Հայաստան
Ուսումնավայր Խ. Աբովեանի Անուան Մանկավարժական Համալսարան
Հայկական պետական մանկավարժական համալսարան (1969), Յակոբ Կոճոյեանի անուան գեղարուեստի դպրոց
Ղազարոս Աղայեանի անուան թիւ 63 դպրոց
Մասնագիտութիւն լուսանկարիչ
Ծնողներ հայր՝ Անդրանիկ Քոչար

Վահան Անդրանիկ Քոչար (Քոչարեան, 25 Յունուար 1949(1949-01-25), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն - 17 Հոկտեմբեր 2020(2020-10-17)[1], Երեւան, Հայաստան), հայ լուսանկարիչ[2]: ԽՍՀՄ Լրագրողներու միութեան անդամ (1980):

Կենսագրութիւն[Խմբագրել | Խմբագրել աղբիւրը]

Վահան Քոչարը ծնած է 1949 թուականին լուսանկարիչ Անդրանիկ Քոչարի ընտանիքին մէջ: 1965 թուականին աւարտեր է Ղազարոս Աղայեանի անուան միջնակարգ հանրակրթական եւ Յակոբ Կոճոյեանի անուան գեղարուեստի նկարչական դպրոցները: 1969 թուականին աւարտեր է Երեւանի Խաչատուր Աբովեանի անուան մանկավարժական հիմնարկի մշակոյթ կաճառի նկարչագծագրական բաժնի լրիւ դասընթացքը[3]: Մէկ տարի աշխատեր է որպէս ուսուցիչ, 1970 թուականին՝ ազատ նկարիչ: Աշխատակցեր է «Պետհրատ» հրատարակչութեան եւ այլ հիմնարկներու մէջ[4]: 1977 թուականին աշխատանքի անցեր է ՀԿԿ Կենտկոմի հրատարակչութեան տպարանին մէջ (այժմ՝ «Տիգրան Մեծ» հրատարակչութիւն) որպէս լուսանկարիչ, ուր աշխատեր է 25 տարի[5]:

2007 թուականին լոյս տեսեր է Վահան Քոչարի «Հայ լուսանկարիչներ» պատկերագիրքը, ուր ներկայացուած են շուրջ 480 լուսանկարիչներու կենսագրականներ եւ լուսանկարներ[6], որոնցմէ 180-ի անունները յայտնաբերուեր են տարբեր լուսանկարչական կնիքներու վրայէն[7]:

Ցուցահանդէսներ[Խմբագրել | Խմբագրել աղբիւրը]

Քոչարը լուսանկարեր է բազմաթիւ դիմանկարներ, ինչպէս նաեւ բնանկարներ, ճարտարապետական յուշարձաններ, (nature-morte) անկենդան բնութիւններ, գեղարուեստական կազմութիւններ կամ յօրինուածքներ Անհատական ցուցահանդէսներ ունեցեր է Երեւանի (1962, 1964, 1973), Պէյրութի (1965), Մոսկուայի (1966), Սալոնիքի (1996, միջազգային ցուցահանդէս, հայր եւ որդի),  Լոնտոնի (1999, «Ձեր կեանքի ժամանակը», հայր եւ որդի), ինչպէս նաեւ խմբակային ցուցահանդէսներ՝ Ռիկայի (1983), Զափորոժիեյի (1986), Տնեփրոփեփրովսքում (1988), Երեւանի (1995), Պոխումի (1995), Մոսկուայի մէջ (1995): 

«Հայ լուսանկարիչներ» ծաւալուն պատկերագիրքը եւ շնորհահանդէսը[Խմբագրել | Խմբագրել աղբիւրը]

«Հայ լուսանկարիչներ» ծաւալուն պատկերագիրքով առաջին անգամ ներկայացուեր էր աշխարհի 500-էն աւելի հայ լուսանկարիչներ։ Գիրքը տպագրուեր էր 2007 թուականին Երեւանին մէջ եւ երկու տարի շարունակ ան չէր կրցած կազմակերպել գիրքին շնորհանդէսը[8]:

Եբր 2009 թուականին ՄԱԿ-ի հրաւէրով վեց ամիսով մեկնեցայ Հայաստան նորաստեղծ սփիւռքի նախարարութեանը աջակցելու, այդ օրերուն Վահանը պատմեց գիրքի ոդիսականի մասին։ Ընդ որուն գիրքի տպագրութեան ծախսերը հոգացեր էր այն ժամանակուայ վարչապետ Անդրանիկ Մարգարեանը, սակայն անոր մահէն յետոյ անհնար դարձեր էր գիրքի շնորհահանդէսի կազմակերպութիւնը։ Տարբեր մակարդակներուն խոչընդոտներու բախուեր էր։ Այն կարծիքին էին, որ ոչ քաղաքական բնոյթի հրատարակութիւն էր եւ նման վերաբերմունք պէտք չէ ըլլար։ Ես անմիջապէս օգտուելով Երեւանի մէջ գտնուելու հանգամանքէն, առաջարկեցի սփիւռքի նախարար Հրանուշ Յակոբեանին կազմակերպելու այդ գիրքի շնորհանդէսը եւ ցուցահանդէսը, որ արժանացաւ նախարարի համաձայնութեան եւ հաւանութեանը, եւ այն իրականութիւն դարձաւ 2009ի Ապրիլ 20-ին Ակադեմիա պատկերասրահին մէջ։ Կը յիշեմ, որքան երջանիկ էր այդ օրը Վահանը։ Իրականացած էր ոչ միայն իր, այլեւ հօր՝ Անդրանիկ Քոչարի երազանքը։ Այդ օրերուն Երեւանի մէջ գտնուող աշխարհի տարբեր ծայրերէն հայ իրաւաբաններու ժողովի մասնակիցներն ալ եկեր էին ցուցահանդէսի բացումին, եւ զարմացեր հայ լուսանկարչական ժառանգութեան նման հաւաքածոյի ներկայացումէն[8]։
- Յակոբ Ասատրեան


Շարժանկարի մէջ խաղցած դերեր[Խմբագրել | Խմբագրել աղբիւրը]

 Մրցանակներ[Խմբագրել | Խմբագրել աղբիւրը]

  • «Թանգարան» գիրքին համար Ֆրանքֆուրթի միջազգային ցուցահանդէսին արժանացեր է ԵՈՒՆԵՍՔՕ-ի մրցանակի, 1998
  • Ռազմիկ Տավոյեանի «Ոգեղէն հաց» գիրքին համար արժանացեր է հայ գրահրատարակիչներու մրցանակի, 2002
  • Երեւանի քաղաքապետի ոսկէ մետալ, 2016
Պատկեր:Վահան եւ Անդրանիկ Քոչարներ.jpg
Վահան եւ Անդրանիկ Քոչարները

Ընտանիք[Խմբագրել | Խմբագրել աղբիւրը]

  • Հայր՝ Անդրանիկ Քոչար, լուսանկարիչ
  • Մայր՝ Յասմիկ Զաքարեան
  • Կին՝ Մարիեթա Քոչարեան (Վահանի համադասընթացքի ուսանող)
  • Դուստր՝ Շուշան
  • Որդի՝ Անդրանիկ

Ծանօթագրութիւններ[Խմբագրել | Խմբագրել աղբիւրը]

Գրականութիւն[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]