Վահան Ճանսըզեան

Վահան Ճանսըզեան
Ծնած է	22 Օգոստոս 1939(1939-08-22) (86 տարեկան)
Ծննդավայր	Պուրճ Համուտ, Մաթնի շրջան, Լեռնային Լիբանանի նահանգ, Լիբանան
Մասնագիտութիւն	գրագէտ և խմբագիր

Վահան Ճանսըզեան (Վահանեան, 22 Օգոստոս 1939(1939-08-22), Պուրճ Համուտ, Մաթնի շրջան, Լեռնային Լիբանանի նահանգ, Լիբանան), հայ գրող եւ խմբագիր։

Կեանք եւ գործունէութիւն

Ծնած է Պուրճ Համուտ, Լիբանան: Հայրը՝ Նազարէթ (բնիկ ատանացի), մայրը՝ Մաքրուհի Պօյաճեան (բնիկ չորք-մարզպանցի, տէօրթեօլցի), ամուսնացած են Իսկենտերունի մէջ։

Յաճախած է Պէյրութի Ս. Գրիգոր Լուսաւորիչ Ճեմարանի նախակրդարանի բաժինը եւ 1952-ին անցած է Զմմառի Հայ կաթողիկէ դպրեվանքը, ուր մնացած է մինչեւ 1958։

1958-1961, հետեւած է ֆրանսական պաքալորէայի եւ փիլիսոփայութեան դասընթացքներուն։

1961-1978 (մինչեւ Լիբանանի քաղաքացիական պատերազմի բռնկումը), դասաւանդած է ֆրանսերէն ու հայերէն գրականութիւն եւ լէզու, միեւնոյն ժամանակ աշխատակցած է Պէյրութի զանազան ֆրանսատառ եւ հայատառ մամուլին։

1978-ին, ընտանիքով հաստատուած է Լոս Անճելըս, ուր Դեկտեմբեր 1978-ին հիմնած է «Նոր Կեանք» շաբաթաթերթը, որուն մէջ ունեցած բաժինը ծախած է Գրիգոր Շէնեանին, 1981-ին։

1981-1985 շրջանին գործակցած է Սարգի Մուրատեանի «Հայ Թելեժամ» պատկերսփիւռի ծրագիրին։

1992-ին, հիմնած է «Նոր Հայաստան» ամսագիրը։ 1994-էն 2015 ամսագիրը դարձած է «Նոր Հայաստան» օրաթերթ։

Խմբագրական պարտաւորութիւններուն առընթեր հրատարակած է 5 հատորներ.

• Ֆրանսերէնով՝ «La Symphonie des Cedres» վէպ, նաեւ հայերէն թարգմանութիւնը՝ «Մայրենիներու Համանուագը», գործ՝ հանգուցեալ Արամ Օրջանեանի։
• «Մեր Հայելին» (սլաքներ)։
• «Մեծ Միտքերը Եւ Մենք», թարգմանութիւն՝ Արա Պալիօզեանի անգլերէն գիրքին, գործակցութեամբ մանչին՝ Նազարէթ Ճանսըզեանի։
• «Հայ Խմբագրի Օրատետրէն Էջեր»։
• «Մութնալոյսի Տեսիլքներ» հայկական Լոս Անճելըսէն։

Ամուսնացած է Ալիս Քէլէշեանին հետ 1964-ին։ Ունցած են 4 զաւակներ՝ Մակի, Նազելի, Նազարէթ եւ Գրիգոր, 6 թոռներ՝ Սեւակ, Նարեկ, Արամ, Վահան, Սիմոն եւ Սառա։